Oityi Matupopi Konthele Yomutala Womulavi no Despertai!

Omutala Womulavi 1 ya Hitandyila

“Oityi ove usoka. Okuti Huku utehelela omalikuambelo aeho? [Yeka omunthu akumbulule.] Tala etyi Jesus apopile konthele oyo. [Tanga Mateus 6:7.] Onthele ei yaavela omakumbululo Ombimbiliya konthele yomapulo ekuana ovanthu vehole okulinga kombinga yelikuambelo.” Lekesa onthele yatyo Momutala Womulavi.

Despertai! ya Fevereiro

“Ovanyingi vetavela okuti ovipuka aviho vipita momuenyo wetu viaholovonuale na Huku tunde kohale. Oityi ove usoka? [Yeka omunthu akumbulule.] Otestu ei ipopia okuti onthue muene, tupondola okuholovona. [Tanga Deuteronômio 30:19.] Onthele ei ilekesa oityi Ombimbiliya ipopia konthele oyo.” Lekesa onthele yatyo mo Despertai!

Omutala Womulavi 1 ya Tyikukutu

“Oityi ove usoka. Okuti ovipuka aviho vipita momuenyo wetu viaholovonuale na Huku tunde kohale? [Yeka omunthu akumbulule.] Tala etyi Ombimbiliya ipopia konthele oyo. [Tanga Eclesiastes 9:11.] Omutala ou Womulavi uhangununa okuti namphila Huku apopia etyi matyikapita no ohi, oe uyeka kese umue aholovone ondyila yomuenyo wae.”

Despertai! ya Março

“Ovanthu ovanyingi hono vena ovitateka konthele yonombongo, haunene momuvo uno wokuepuiya. Okuti ove utyitavela? [Yeka omunthu akumbulule.] Tala elondolo eli liakolela. [Tanga 1 Timóteo 6:8, 10.] O Despertai! ei ipopia onondonga mbumue Mbombimbiliya mambutuvatela okuundapesa onombongo mbetu monkhalelo imue ituetela ombembwa momutima.”