Oityi Matupopi Konthele Yomutala Womulavi no Despertai!
Omutala Womulavi 1 ya Tyitalale
“Tyipondola okukala otyitateka otyinene okulinga etyi tyaviuka tyina ovanthu vetuhongiliya okulinga ovipuka viahaviukile. Oityi tyipondola okutukuatesako okuhatokela meliva olio? [Yeka omunthu akumbulule. Iya otange Provérbios 29:25.] Omutala ou Womulavi una omahunga etano maetuvatela okukala nowoma wokunumanesa Huku tyipona ovanthu.”
Despertai! ya Março
“Atuho onthue tupanda okukala nomapanga omawa. Ovituwa patyi ove upanda vali mepanga? [Yeka omunthu akumbulule.] Tala etyi Ombimbiliya ipopia. [Tanga Provérbios 17:17.] O Despertai! ei ina onondonga mambutuvatela okuholovona omapanga omawa, nokukala omapanga omawa pala vakuetu.” Lekesa apa pekahi onthele yatyo.
Omutala Womulavi 1 ya Tyikukutu
“Ndyihanda okutehelela oityi ove usoka konthele yonondaka ombu mba Jesus. [Tanga João 3:3] Oityi tyihangununa okutyitwa tuvali? [Yeka omunthu akumbulule.] Okunoñgonoka nawa etyi Jesus apopile, matyivatela omuenyo wetu hono, nekevelelo lietu komutwe wandyila. Omutala ou Womulavi upopia omokonda yatyi.”
Despertai! ya Abril
“Ovana ovanyingi vokuenda kosikola hono, vamoneka ngoti vekahi nokupita movitateka ovinyingi. Oityi ove usoka. Okuti kononthiki mbo vohe yavo ovipuka ankho vikahi vali nawa? [Yeka omunthu akumbulule.] Ovitateka ovinyingi vipondola okueta ovipuka ovivi. [Tanga Eclesiastes 7:7a.] O Despetai! ei ilekesa oñgeni ovakulu vapondola okukuatesako ovakuendye okulwa novitateka.”