Oityi Matupopi Konthele Yomutala Womulavi no Despertai!
Omutala Womulavi 1 ya Pepo Linene
“Ovanyingi vetavela okuti onongeleya mbo mouye onondyila mbelikalela, mahi, ambuho mbutuala ku Huku. Oityi ove usoka? [Yeka omunthu akumbulule.] Tala etyi Ombimbiliya ipopia. [Tanga Josué 24:15.] Omutala ou womulavi utuavela omahunga opo tutale inkha ongeleya yetu ituhongolela ku Huku.” Lekesa apa pekahi onthele oyo. [Ukahi moputu.]
Despertai! de Junho
“Atuho onthue tutyii okuti ovanthu vankhia. Ove usoka okuti onthue tuesukisa okukala nowoma wokuti vamue puvo vanumana nokuhanda okutulinga omapita? [Yeka omunthu akumbulule. Iya otange Eclesiastes 9:5, 6.] Okutanga o Despertai! ei matyikupameka.” Lekesa apa pahimbika onthele oyo.
Omutala Womulavi 1 ya Kakwenye
“Ovanthu ovanyingi vena Ombimbiliya vasoka okuti tyepuiya okuinoñgonoka. Okuti nove otyo usoka? [Yeka omunthu akumbulule.] Ngetyi tyipopia o versikulu ei, una watuma okuhoneka Ombimbiliya uhanda tunoñgonoke nokupola esilivilo Kondaka yae. [Tanga Salmo 119:130.] Omutala ou Womulavi utuavela onondonga ononthatu mambutukuatesako okunoñgonoka Ombimbiliya.”
Despertai! de Julho
“Ovanthu ovanyingi hono veliunga unene. Ove usoka okuti Huku wesuka novanthu ovo? [Yeka omunthu akumbulule. Iya otange Salmo 34:18.] O Despertai! ihangununa oñgeni ovanthu ovo vapondola okuvatelwa na Huku, namphila pamue vesukisa oku kahakulwa kosipitali. Tupu ilekesa oityi tupondola okupopia pala okuvekuatesako.”