Omapulo Akumbululwa

◼ Oityi una okulinga inkha vekutuma okuyekapo okuivisa?

Ovikando vimue, epulisa lifuena povaivisi vekahi movilinga viokuivisa, evepopila okuti ovo vekahi nokutauluka otyitumino, iya evetumu okuyekapo okuivisa. Inkha otyo tyipita nove, una yokundapo, auhakumbulula natyike. (Mat. 5:41; Fil. 4:5) Wahatañgune ine okuovola okutetulula otyitateka otyo monkhalelo yove muene. Inkha tyitavela, tala onumelu yepulisa potyikalatau tyae na apa aundapa. Iya oketyipopila liwa ovakulu vewaneno, opo vetyipopile ofiliyale. Tupu, inkha mukahi nokuivisa umbo na umbo ine momaumbo omanene, iya muene weumbo ine omunthu ukahi nokuyunga eumbo olio emuiti mutundepo, tundeipo liwa amuketyipopila ovakulu veuaneno. Okuliola omutima nokukala tyahiliya tyina tupopia navana vena outumini, tyipondola okutukuatesako okulityilika okulipaka movitateka.—Pro. 15:1; Rom. 12:18.