Oityi Matupopi Konthele Yomutala Womulavi no Desperati!
Omutala Womulavi 1 ya Kulindi
“Ovanthu ovanyingi hono vetupu ekolelo Momutungi. Ove utyii omokonda yatyi? [Yeka omunthu akumbulule.] Ono versikulu ombu mbulekesa omokonda yatyi. [Tanga Habacuque 1:2, 3.] Omutala ou Womulavi ukuatesako okukumbulula omapulo amwe ehole okulingisa vamue okuhakala nekolelo mu Huku.” Lekesa apa pekahi onthele oyo. (Ukahi moputu)
Despertai! de Outubro
“Ove utavela okuti onombunga hono mbukahi nokulua novitateka ovinyingi? [Yeka omunthu akumbulule.] Ovanthu ovanyingi kavanoñgonokele elondolo ewa likahi Mombimbiliya. Tala ongeleka imue. [Tanga otestu imue ikahi mo Despertai!.] O Despertai! ei ilekesa oñgeni ovitumino Viombimbiliya vipondola okuvatela onombunga okutetulula ovitateka.”
Omutala Womulavi 1 ya Kayovo
“Oityi ove usoka? Okuti ovipuka aviho vilongeswa monongeleya viapolwa Mombimbiliya? [Yeka omunthu akumbulule.] Ombimbiliya itulondola tukale tyalunguka opo tuhayondyue nounkhembi. [Tanga Colossenses 2:8.] Omutala ou Womulavi upopia konthele yomalongeso epandu ounkhembi ehelikuatele Nondaka ya Huku.”
Despertai! de Novembro
“Ono telefone nono kombutandole mbulinga onthele momuenyo wovanthu. Oityi ove usoka? Okuti okuundapesa ovipuka ovio tyitumana omuvo ine tyitukalesa vali nomuvo? [Yeka omunthu akumbulule.] Ovanyingi mavetavela elondolo eli liokuundapesa omuvo nonondunge.” [Tanga Efésios 5:15, 16.] O Despertai! ei ipopia oñgeni tupondola okuundapesa ovipuka ovio monkhalelo yaviuka, nokuapola pokati.”