A Bíblia — O Poder Dela na Sua Vida

Ombimbiliya ikahi nokukuatesako ovanthu ovanyingi okulinga omapiluluko omawa momuenyo wavo. Ovitumino patyi Viombimbiliya inkha tuviundapesa mavituvatela okutetulula ovitateka mononthiki mbuno? Tyotyili, ove mohambukwa okuvasa ekumbululo liepulo olio pokutala o video A Bíblia: O Poder Dela na Sua Vida ivahiwa mo DVD A Bíblia—Um Livro de Fatos e Profecias. Konyima yokutala ovideo oyo, upondola okukumbulula omapulo aa?

(1) Omokonda yatyi tupondola okupopia okuti Ombimbiliya yavilapo vali tyipona omikanda omikuavo? (Heb. 4:12) (2) Inkha Ombimbiliya ipondola okuvatela ovanthu okulinga omapiluluko omawa momuenyo wavo, omokonda yatyi ovanthu vena ovitateka ovinyingi? (3) Oipi osapi Yombimbiliya? (4) Onotestu patyi Mbombimbiliya mbapopiwa movideo, mbupondola okuvatela ovalinepi (a) okutomphola nawa (b) nokukondola onyengo yavo? (5) Oñgeni onkhalelo Ovakristau vatala otyinepo, ikuatesako ombunga okukala nomuenyo omuwa? (Efé. 5:28, 29) (6) Oñgeni Jeova aava ongeleka ongwa pala ovohe? (Mar. 1:9-11) (7) Oñgeni ovohe vapondola okulinga elilongeso eewa liombunga? (8) Ondaka ya Huku ilondola ovohe okulilongesa novana vavo, mahi oityi vali ilunda ovohe okuavela ovana vavo? (9) Oñgeni onondonga Mbombimbiliya mbupondola okuvatela onombunga okukoleleya tyina pamoneka ovitateka konthele yonombongo? (10) Ovitumino patyi Viombimbiliya, tyina viundapeswa konthele yokukala tyasukuka, okusipa epangwe ine ovihemba ovikuavo vikoleswa, nokunwa unene, mavituvatela okutepulula ovitateka viekongoko? (11) Omilao patyi Viombimbiliya vipondola okutupameka? (Jó 33:25; Sal. 145:16) (12) Oñgeni omalongeso Ondaka ya Huku ekukuatesako okukala nomuenyo omuwa? (13) Oñgeni moundapesa ovideo ei opo ukuateseko vakuenyi?