Omalekeso Ehepuiya

Pala Okuhimbika Okulongesa Ovanthu Ombimbiliya mo Tyasapalo Tyotete Tya Kwenye Kunene

“Ovanthu ovanyingi vapitulula onondaka ombu mbelikuambelo lia Tatekulu: ‘Ouhamba wove uye. Ehando liove lilingwe pano pohi, ngetyi lilingwa keulu.’ Ove utyii oityi Ouhamba oo? [Yeka omunthu akumbulule.] Oversikulu ei Yombimbiliya itukuatesako.” Tanga Daniel 2:44. Iya avela omunthu Omutala Womulavi 1 ya Kwenye Kunene iya otange nokupopia onondaka mbukahi pombuelo yosapi yotete pefo 28, notestu ikahipo. Muavela Omutala Womulavi, omupopila okuti moya okukumbulula epulo ekuavo.

Omutala Womulavi 1 ya Kwenye Kunene

“Mokonda omuenyo omusupi iya weyula ovitateka, ovanthu ovanyingi velipula konthele yehangununo liomuenyo. Okuti welipulale konthele yotyo? [Yeka omunthu akumbulule.] Ombimbiliya ilaa okuti omuenyo kamautualako okukala ngetyi ukahi. [Tanga Revelação 21:4.] Omutala ou Womulavi upopia ehando lia Huku konthele yoohi, novipuka vimwe tupondola okulinga opo tuvase ehangununo liotyotyili momuenyo pahetyino.”

Despertai! de Agosto

“Nahanda upopie oityi ove usoka konthele yo versikulu ei. [Tanga 1 Samuel 16:23.] Ngetyi tyipopia oversikulu ei, otyiimbo tyina epondolo. Ove utyii okuti oviimbo vimwe vipondola okuhongiliya omunthu okulinga ovivi? [Yeka omunthu akumbulule.] O Despertai! ei ipopia oñgeni tupondola okuholovona nounongo oviimbo vietu noñgeni tupondola okukuatesako ovana vetu okuholovona oviimbo oviwa.”