Omalekeso Ehepuiya

Pala Okuhimbika Okulongesa Ovanthu Ombimbiliya mo Tyasapalo Tyotete mu Kupupu

“Onthue tuhanda okutehelela etyi ove usoka. Kuove olipi enyina lia Huku? [Yeka omunthu akumbulule.] Tala etyi tyapopia apa.” Muavela Omutala Womulavi 1 wa Kupupu omulekesa onthele ikahi kefo liokuahulilila, amutange nokupopia konthele yonondaka mbukahi pombuelo yosapi yotete. Konyima amutange ike po notestu mbukahipo. Muavela Omutala Womulavi no Despertai! omulae onalupi moya okupopia nae konthele yepulo ekuavo.

Omutala Womulavi 1 ya Kupupu

“Ovanthu ovanyingi vapopia konthele yonthyulilo youye. Ove usoka okuti onthyulilo youye otyipuka tyitilwa owoma? [Yeka omunthu akumbulule.] Ngetyi tyapopia apa, kuna ovanthu mavakahupa. [Tanga 1 João 2:17.] Omukanda ou ukumbulula omapulo Ombimbiliya ovanthu ovanyingi valinga konthele yonthyulilo youye.”

Despertai! de Janeiro

“Onthue tukahi nokutalelapo onombunga opo tutomphole navo konthele yonondonga mambuvekuatesako. Ove usoka okuti otyiwa onombunga mbulandule onondaka ombu mba Jesus? [Tanga Atos 20:35b. Yeka omunthu akumbulule.] Okulongesa ovana okukala ovakuatyali tyipondola okupuiya unene mouye uno wovanthu vasoka vala kuvo muene. Onthele ei ina onondonga onongwa ovohe vapondola okulandula pokulongesa ovana opo vesuke navakuavo.”