Omalekeso Ehepuiya

Okuhimbika Okulongesa Ovanthu Ombimbiliya mo Tyasapalo Tyotete mu Kulindi

“Tukahi nokutalelapo ovomunthele yetu opo tupopie navo konthele youtumini omuwa. Ove usoka okuti kuna outumini utyivila okumanako ovitateka viepuiya, ngetyi oungangala novivi ovanthu valingwa?” Yeka omunthu akumbulule. Hinangelesa omunthu okuti Melikuambelo lia Tatekulu, Jesus walongesa ovalanduli vae okuita outumini oo, Ouhamba wa Huku, opo uye. Mulekesa epulo liotete likahi konyima Yomutala Womulavi wa 1 ya Kulindi. Amutange onondaka mbukahi pombuelo yepulo liotete, notestu ike pu mbuna mbukahipo. Ava Omutala Womulavi no Despertai! amulilae onalupi moya okulilongesa vali nae epulo ekuavo.

Omutala Womulavi 1 ya Kulindi

“Tukahi nokutomphola novomunthele yetu tyihasete konthele yonondaka ove wii nawa mbelikuambelo Jesus alongesile ovalanduli vae. [Tanga Mateus 6:9, 10.] Ove utyivila okuhangununa oityi Ouhamba wa Huku, nomokonda yatyi Jesus alongesila unene konthele Youhamba oo? [Yeka omunthu akumbulule.] Omukanda ou ulekesa oityi Ombimbiliya yapopia konthele Youhamba wa Huku nomahuviso amwe omawa maukalinga pano pohi.”

Despertai! Outubro

“Tukahi nokutalelapo ovanthu opo tuvekuateseko okuvasa ekumbululo liepulo eli. [Mulekesa kondye yo Despertai!] Ove usoka okuti opo omunthu akale nomuenyo muwa una okukala omuhona? [Yeka omunthu akumbulule.] Ombimbiliya ipopia okuti tyesukisa okupola pokati konthele yomalumono. [Tanga Lucas 12:15.] Ngetyi tyipopia Ombimbiliya kese munthu upondola okukala nomuenyo omuwa. Omukanda ou utyihangununa nawa.”