Linga ‘Ovipuka Oviwa’ Mokuyakula Nawa Ovaenda (Mat. 12:35a)

Tyotyili atuho tuhanda okulingila vakuetu “ovipuka oviwa” mokulandula “otyituwa tyokuyakula ovaenda.” (Rom. 12:13) Ovakulu vewaneno vehole okutyilinga tyina vafeta onombongo mbovikandongelu, nokuavela okulia ovakuatate veya okulinga omalongomona mewaneno liavo. Mahi, pamwe tupondola okulikondola okuyakula ovaenda mokonda tuahepa ine okukala notyiho tyokutambula vakuetu meumbo lietu. Okulandula elondolo Jesus avelele Marta, tyipondola okutukuatesako okulityilika otyiho otyo. (Luc. 10:39-42) Jesus wapopile okuti “otyipuka otyiwa” tyesukisa pokutambula ovaenda okukala navo nokuvepameka hakuveavela okulia okunyingi ine okuhiwisuaeumbo. Mokulandula nawa elondolo olio, atuho tupondola okulingila “ovipuka oviwa” ovakuatate vetu ngetyi tyapopia Ondaka ya Huku.​—3 João 5-8.