Longesa Otyili

Okuhimbikila mohanyi ya Tungonkhe, omukanda Omuenyo Wetu Woukristau Omukanda Wovilinga, mauya-ya nonthele yelekeso liehepuiya lina osapi yati: “Longesa Otyili.” Otyipuka tuhanda okulinga, okulongesa ovanthu otyili tyikahi Mombimbiliya, mokuvelinga epulo, atuvetangela otestu.

Ankho omunthu wesuka natyo, tumuhila etyi matuya okutomphola vali nae, mokumuavela omukanda omukuavo, ine okumulekesa o vidiu tuapola mo jw.org. Tupondola okupitisapo vala ononthiki mbehehi opo tukemutalelapo. Onthele ei, nomalekeso ovalongwa, maapolua momukanda Oityi Ombimbiliya Itulongesa? Momukanda oo tupondola okuvasamo omapulo omakuavo no notestu mbutukuatesako okukatalelapo ovanthu tuapopile navo, ine okuvelongesa ovanthu ondaka ya Huku no Mbimbiliya vala.

Pena vala ondyila ike ituala komuenyo uhapu. (Mat. 7:13, 14) Mokonda tuhole okupopia novanthu velikalaila vomalilongeso omanyingi, tuna okuvelongesa otyili tyo Mbimbiliya matyivehiki komitima. (1 Tim. 2:4) Putyina tutualako okulongesa vali nawa Ombimbiliya, ngotyo tukala ovanongo vetyivila “okuundapesa nawa ondaka yotyili,” ehambu tuna maliliyawisa, iya matutyivili okulongesa otyili vakuetu.​—2 Tim. 2:15.