Okuti Ukahi Nokuundapesa Oumukanda wo JW.ORG?

Mokonda ononkhumbi ononene mbuli popepi, ovilinga viokuivisa viesukisa okulingwa nondyanga. (Pro. 24:11, 12, 20) Opo tukuatesako ovanthu, tuna okuvevela okamukanda oko opo velilongese Ondaka ya Huku, avakatala mo site yetu. Okamukanda oko kena enyingilikilo lituala mo vidiu yati Oityi Wesukisila Okulilongesa Ombimbiliya? nomukanda wokuita opo alongeswe Ombimbiliya. Ovanthu vamwe kavetavela tyina tuveavela omikanda, mahi vahanda okukatala mo site yetu. Upondola okuveavela okamukanda oko. Mahi, wahaave oumukanda oo, ku ava vehesukile nako.

Tyina wenda kovilinga,ovasi omunthu upondola okumupopila okuti: “Ndyina otyipuka nahanda okukuavela. Okamukanda aka kapopia konthele yo site yetu, omu upondola okuvasa omikanda no no vidiu ononyingi mbelikalaila.” (João 4:7) Mokonda okamukanda ko site okatutu, upondola okutyinda ounyingi na waavele ovanthu vokuesuka.