Okuyawisa Ounongo Wetu Wokuivisa—Linga Omapulo Nounongo

TYAKOLELA MOKONDA YATYI: Inkha “omalusoke momutima womunthu ekahi ngo maende eli monyombo yaya kohi,” omapulo ekahi nawa, ekahi ngatyina ombaliti ipola omaande monyombo. (Pro. 20:5) Omapulo etukuatesako okutomphola novanthu tuvasa. Omakumbululo omapulo aholovonwa nawa apeho aeta etompho ewa. Jesus ankho ulinga omapulo nounongo. Oñgeni tupondola okumuhetekela?

TYILINGWA ÑGENI:

• Linga omapulo akuatesako omunthu okupopia etyi asoka. Jesus walingile omapulo opo atale oityi ovalongwa vae ankho vasoka. (Mat. 16:13-16; Beneficie-se da Escola do Ministério Teocrático pefo 238 §§ 3-5) Omapulo patyi ove upondola okulinga akuatesako omunthu okupopia etyi asoka?

• Linga omapulo emukuatesako okukumbulula etyi tyaviuka. Opo Petulu apilulule olusoke lwae luapenga, Jesus wemulingile omapulo emukuatesako okutala oipi onkhalelo yaviuka. (Mat. 17:24-26) Omapulo patyi ove upondola okulinga opo ukuateseko omunthu okukumbulula monkhalelo yaviuka?

• Pandula omunthu wekutehelela. Etyi omuhoneki umwe wovitumino “akumbulula monkhalelo ikahi nawa,” Jesus emupandula. (Mar. 12:34) Oñgeni ove upondola okupandula omunthu waava ekumbululo likahi nawa?

HIKISA ONTHELE YOTETE YO VIDIU YATI: OVILINGA JESUS ALINGILE—OKULONGESA IYA KONYIMA OLINGI OMAPULO AA:

• Omokonda yatyi ei ongeleka ombi yokulongesa, namphila etyi apopia tyaviuka?

• Omokonda yatyi tuna okulinga vali unene pokulongesa tyipona okuhangununa vala etyi tyahonekwa?

HIKISA ONTHELE YAVALI YO VIDIU IYA KONYIMA OLINGI OMAPULO AA:

• Oñgeni omukuatate alinga omapulo nounongo?

• Ononkhalelo patyi ononkhuavo mbokulongesa onthue tupondola okuhetekela?