“Okuavela Jeova”

Oñgeni hono tupondola “okuavela otyiawa tyimwe Jeova”? (1 Crô. 29:5, 9, 14) Pombuelo pena ononkhalelo mbumwe tupondola okuholovona opo tulinge oviwa mavikuatesako ovilinga vyo Nombangi mba Jeova potyilongo tyetu no mouye auho.

OKULINGA OVIAWA MO INTERNET IYA NOMOVIKASA VIOVIAWA VIKUATESAKO:

• OVILINGA VIOUYE AUHO

  okutunga onondyuo mbouhamba nono filiale nono seketa mbokupitiya

  no nosikola mbouhamba

  novakokoli-ndyila vomuvo auho wavilapo

  pomuvo woviponga

  nokulinga omikanda, nokulinga onovidiu, nokuvipaka mo site

• OMASUKA-SUKA EWANENO

  omasuka-suka ewaneno ngetyi okupangiya ovipuka viateka Mondyuo Youhamba

  oviawa aviho vilingwa mewaneno vitumwa kotyisangela pala:

  • Okutunga Onondyuo Mbouhamba no mbovionge mouye auho

  • nokukuatesako Ovanthu Ouye Auho

  • novilinga ovikuavo viouye auho

OVIONGE

Oviawa vilingwa movionge viononthiki ononthatu viundapeswa movilinga viouye auho. Tupu, ovionge ovinene vilingwa mouye auho vifetwa nonombongo mbutunda kovilinga viouye auho.

Oviawa vihole okulingwa movionge vionthiki ike, viundapeswa pokulinga otyonge otyo ine okufetela omphangu apa matyilingilwa nokuviukisa ovipuka viateka monondyuo mbovionge nokulanda ovipuka viesukisa mo sirkuitu. Omawaneno o sirkuitu imwe apondola okutokola okutuma onombongo opo vakuateseko ovilinga vyo Nombangi mba Jeova mouye auho.