Oñgeni Molifuika Monthiki Yehinangelo?

Okuhimbikila menima lino, matukala vali nomuvo opo tupongiye nawa Ehinangelo lyo nonkhia mba Kilisitu. Inkha Ehinangelo lihimbika mokati kosimanu kamatulingi eliongiyo Omuenyo Wetu Woukilisitau. Inkha okonthyulilo yosimanu, kamatulingi Omutala Womulavi Nelongomona Liounyingi. Oñgeni ove moundapesa omuvo oo? Ngetyi ankho tyilingwa pomuvo wo Vakilisitau vokotyita tyotete ankho velipongiya pala onthiki oyo yakolela. (Luk. 22:7-13; km 03/15 pefo 1) Atuho tuesukisa okupongiya nawa omutima wetu. Oñgeni matutyilingi?

• Sokolola omokonda yatyi ehinangelo liakolela. — 1 Kol. 11:23-26.

• Soka oñgeni oupanga wove na Siovaa ukahi iya olikuambela konthele yotyo. — 1 Kol. 11:27-29; 2 Kol. 13:5.

• Tanga iya osokolola ononthele Mbombimbiliya mbupopia oityi tyihangununa Ehinangelo. — Sua. 3:16; 15:13.

Ovaivisi vamwe vatanga ono Testu Mehinangelo mbukahi Movihonekwa Vionthiki iya ava sokolola nawa kuetyi vatanga. Iya vamwe vatanga onoversikulu mbo Mbimbiliya mbukahi mo testu oyo. Tupu ovakuavo vatanga Omitala Viomulavi vipopia konthele Yehinangelo nohole Siovaa na Sesusi vetulekesa. Mahi, katyisukisa omukanda patyi ove waholovona okutanga, tyesukisa vali otyetyi matyikukuatesako okupameka oupanga wove na Siovaa nomona wae Sesusi.