Okuti Upondola Okuava Omuvo Wove Nononkhono Mbove?

Ngetyi Isaiya apopile, onthele yeongano Lya Siovaa pano pohi ikahi nokukula unene. (Isa. 54:2) Mokonda yotyo, tyesukisa vali Onondyuo Mbomaliongiyo, Nonondyuo Mbovionge nono Mbetele. Tyina pamalambe omuvo umwe onondyuo ombo mbesukisa okuviukiswa vali nawa. Iya mbumwe mbuteyuapo apatungwa ononkhuavo. Onomphitilo patyi tukala nambo mbokuavela Siovaa omuvo wetu nononkhono mbetu?

• Tupondola okutyilinga tyina otyikundyi tyetu tyamapewa otyilinga tyokusukula Ondyuo Yomaliongiyo.

• Tupondola okuliava opo tulongesiwe oñgeni tyiviukiswa Ondyuo Yomaliongiyo.

• Tupondola okuhoneka opetisau DC-50, opo tukuateseko ovilinga viokutunga nokuviukisa Onondyuo Mbomaliongiyo, popepi naapa tukala.

• Tupondola okuhoneka opetisau A-19, opo tukaundape ko Mbetele ine o kononthele ononkhuavo mokuenda kuosimanu ine ononthiki mbulambapo.

HIKISA OVIDIU OMBETELE MAITUNGWA - OTYINTHIMBU, IYA KONYIMA AMUKUMBULULA OMAPULO MAALANDULAKO:

• Popia oñgeni tuahimbika okulongesa vali unene nono vidiu okuhimbikila menima 2014?

• Opo tutualeko okulinga ono vidiu tuesukisa, oityi matyilingwa?

• Oñgeni vokuliava vapondola okukuatesako otyilinga otyo?

• Inkha tuhanda okukuatesako otyilinga tyo ko Ramapo, omokonda yatyi tuesukisila okuhoneka opetisau DC-50, atuhimbika okuundapa no LDC popepi naapa tukala?

• Oityi tyilekesa okuti Siovaa, oe ukahi “komutwe” wotyilinga otyo?

• Oñgeni tupondola okukuatesako otyilinga otyo, namphila tuhetyivili okutunga?