Okuti Wafuapo Opo Wende Mosikola Yovaivisi Vouhamba wa Huku?

Okuti una omanima 23 atee 65 iya ukahi movilinga viomuvo auho? Okuti una ekongoko likahi nawa, iya uhanda okukaundapa kuna kuesukisa vali ovaivisi? Inkha wakumbulula okuti yoo omapulo oo, okuti wasokele-ale okuenda Mosikola Yovaivisi Vouhamba? Tunde apa osikola oyo yahimbika, ovalinepi ovanyingi, novakuatate vehenenepe, no nomphange vehenenepwe, vatuma-le ono petisau mbavo. Mahi, kuesukisa vali unene ovakuatate vehenenepe opo vende mosikola oyo. Ita ku Siovaa opo ekukuateseko okumuhambukiswa, ohetekela Omona wae Sesusi. (Sal. 40:8; Mat. 20:28; Heb. 10:7) Konyima, osoko kovipuka upondola okulitepulula ngetyi ovilinga novikuavo vali opo wende mosikola oyo.

Vana vaile mosikola oyo ouwa patyi vapolako? Vamwe vatumwa vakaundape kovilongo vipopia omalaka omakuavo, ine pana pakuata ovanthu ovanyingi. Nkhele vamwe, konyima vapewa ovilinga viokukuatesako ovatalelipo vomawaneno, vamwe vakala ovatalelipo vomawaneno ine onomisionaliu. Soka kuetyi upondola okulinga movilinga vya Siovaa. Kala ngomuuli Isaiya watile: “Ame uno! Nthume!” — Isa. 6:8.

HIKISA OVIDIU, ONOMISIONALIU VAUNDAPA MOVILINGA VIOKUTEYA. KONYIMA AMUKUMBULULA OMAPULO AA:

• 

  Oñgeni onomisionaliu mbukoyua?

• 

  Ovilinga patyi onomisionaliu mbukahi nokulinga?

• 

  Ouwa patyi utundilila kovilinga vioumisionaliu?