Longesa Nonongeleka

Tyina tukatalelapo ovanthu na tyina tulongesa ovalongwa vetu, tuesukisa okuvekuatesako okunoñgonoka ononthele mbesukisa vali. Onkhalelo imwe yokutyilinga, okulongesa no nongeleka. Onongeleka mbuhika komutima, iya omunthu ahalimbwa etyi alongeswa.

Tyina ulifuiika ukatalelepo omunthu na tyina ulifuiika ukalongese omulongwa wove, noñgonoka nawa ononthele mbesukisa vali mbetyi mokalongesa. Pahe soka konongeleka mbukahi nawa, mambukuatesako omunthu okunoñgonoka nawa ononthele ombo. (Mat. 5:14-16; Malu. 2:21; Luka 14:7-11) Tyina uholovona onongeleka, holovona mbuna mbelikuata netyi omunthu alinga, netyi ehole, novipuka ovikuavo vielikuata nomuenyo wae. (Luka 5:2-11; Suau 4:7-15) Mohambukwa unene tyina utala okuti omulongwa wove wanoñgonoka nawa etyi wemulongesa.

HIKISA OVIDIU YATI: KALA NEHAMBU MOVILINGA VIOKULINGA OVALONGWA — YAWISA OUNONGO WOVE WOKULONGESA — ONONTHENGELE-POPIA MBAPEPUKA OKUMBUNOÑGONOKA. KONYIMA AMUKUMBULULA OMAPULO AA:

• 

  Omokonda yatyi tuesukisila okukuatesako ovalongwa vetu okunoñgonoka onotesitu mbo Mbimbiliya?

• 

  Ongeleka patyi Nita apopia opo akuateseko omulongwa wae okunoñgonoka Ova Loma 5:12?

• 

  Oñgeni onongeleka mbukahi nawa mbukalesa ovanthu tulongesa?

• Tyina tuivisa, omokonda yati tuesukisila okulongesa no novidiu, noviti ovikuavo eongano lituavela?