Longesa Nehambu

Tyina tuahambukwa, vakuetu navo vahambukwa. Tyina tulongesa nehambu, ovanthu vetutehelela nawa. Katyitei oku tuatuka, nonkhalelo tukahi, atuho tupondola okulilongesa okulongesa nehambu. (Loma 12:11) Oityi tyipondola okutukuatesako?

Tete, hinangela apeho okuti etyi ulongesa, tyesukisa unene. Ove una elao liokuivisa ‘onondaka onongwa mbovipuka oviwa!’ (Loma 10:15) Vali, soka oñgeni onondaka onongwa mambukuatesako ovanthu molongesa. Opo ovanthu vakale nomuenyo omuwa, vesukisa okunoñgonoka onondaka onongwa. (Loma 10:13, 14) Tatu, popia nonthumbi. Otyipala tyove, nonkhalelo uliviyaviya, ilekese kovanthu okuti etyi ulongesa tyili nokutuka komutima.

HIKISA OVIDIU YATI: KALA NEHAMBU MOVILINGA VIOKULINGA OVALONGWA — YAWISA OUNONGO WOVE WOKULONGESA — LONGESA NEHAMBU. KONYIMA AMUKUMBULULA OMAPULO AA:

• 

  Omokonda yatyi Nita ankho ahahambukilwa vali okulongesa Jade?

• 

  Oityi tyakuatesako Nita okuhambukilwa vali okulongesa Jade?

• 

  Omokonda yatyi tuesukisila okutala kovipuka oviwa ovalongwa vetu valinga?

• Oñgeni okulongesa nehambu tyipondola okukuatesako ovalongwa vetu novanthu ovakuavo?