Humba Vakuenyi Mombunga

Oluembia meumbo lukahi ngatyina owii. Tyina ovanthu meumbo velihole aveho velikuata kumwe. Mahi tyina meumbo muhena oluembia, ovanthu kavetyivili okulikuata-po kumwe, nokuundapela kumwe. Oityi omulume nomukai vesukisa okulinga opo valekese okuti velihole? Oñgeni ovohe yovana vapondola okulekesa okuti vehole ovana vavo?

Omulume wokuhole omukai wae, utala etyi esukisa, utehelela nawa etyi apopia iya kemuniange. (Efe. 5:28, 29) Utekula nawa ombunga yae, uveavela etyi vesukisa. Upameka oupanga omukai wae novana vae vena na Siovaa; otyo ahalañgena okulinga efendelo liombunga. (1 Tim. 5:8) Omukai uhole omulume wae, umutavela iya una ‘onthilo onene nae.’ (Efe. 5:22, 33; 1 Pet. 3:1-6) Ovalinepi vena okulievela oviponyo viavo. (Efe. 4:32) Ovohe vokuhole ovana vavo, vevetekula nawa, vevei nawa, vevelongesa okuhumba Siovaa. (Deut. 6:6, 7; Efe. 6:4) Vei ovitateka patyi ovana vavo vehole okukala navio kosikola, netyi ovana vavo valinga tyina vahongiliyua okulinga ovivi na vakuavo. Tyina ovanthu mombunga velihole, aveho velitehelela nawa.

HIKISA OVIDIU YATI: KALA NOHOLE IHAPU MOMBUNGA. KONYIMA AMUKUMBULULA OMAPULO AA:

• 

  Oñgeni omulume ukahi nawa alekesa okuti uhole omukai wae?

• 

  Oñgeni omukai una onondunge alekesa okuti una onthilo nomulume wae?

• 

  Oñgeni ovohe vapondola okupaka Ondaka ya Huku momitima viovana vavo?