Omukokoli-ndyila

Onthwe tyina nkhele tuna ononkhono, otyiwa tusoke kovipuka tupondola okulinga movilinga vya Siovaa. (1 Kol. 9:26) Mokonda tutyeete umwe okuti pahe ouye ou utupu vali ononthiki ononyingi, otyiwa tusoke apeho ku evi tupondola okulingila Siovaa mokamuvo kahupapo. (Efe. 5:15, 16) Mefendelo liombunga, mupondola okutomphola etyi mupondola okulingila Siovaa menima liovilinga matukwate (enima liovilinga lihimbika mohanyi ya Setembro, alikapwa vali mohanyi ya Setembro yenima ekwavo). Opo tyimupepukile, omukanda ou wovilinga una ononthele mbumwe mbupopia ovipuka vimwe mupondola okulinga. Pahe tangei ononthele ombo, amulikuambela, amusoko etyi mamulingi. — Tia. 1:5.

Okuti tyitavela mulipakele-mo nawa, amulikuatesako opo wike meumbo lienyi akale omukokoli-ndyila? Hamwe walinga kapii otyiho tyokuti kumetyivili okulinga onoola. Upondola okukapopia nomunthu umwe omukokoli-ndyila, omupulu oñgeni ehole okulinga. (Pro. 15:22) Mupondola amuihana omukokoli-ndyila umwe eye mefendelo lienyi liombunga emupopile etyi alinga ovipuka. Pahe soka ononthiki moundapa-undapa movilinga viokuivisa, otyihoneka. Ine wali-ale omukokoli-ndyila kohale, okuti tyitavela ukondoke vali movilinga ovio?

Okuti tyitavela umwe meumbo lienyi alinge omukokoli-ndyila wapola pokati ohanyi ike, hamwe onombali? Hamwe utupu unene ononkhono, kutyivili okuundapa unene movilinga viokuivisa. Mahi upondola okulinga omukokoli-ndyila wapola pokati. Opo utyivile, undapa katutu movilinga viokuivisa ononthiki mbatyo ambuho. Pahe ine kutyivili okuundapa movilinga viokuivisa mokati kosimanu mokonda yokukaundapa, hamwe mokonda yokuenda kosikola? Soka kohanyi imwe ina ofeliadu, oo ina ovityasapalo novityalumingu vitano, olingi omukokoli-ndyila wapola pokati mohanyi yatyo oyo. Honeka ohanyi wasoka okukala omukokoli-ndyila wapola pokati, nononthiki mbatyo moundapa-undapa movilinga viokuivisa. — Pro. 21:5.

TALA OVIDIU YATI: KOLA OMUTIMA . . . MUKOKOLI-NDYILA. PAHE OKUMBULULA EPULO ELI:

• Ngetyi tuamona ku Aamand, Siovaa utekula ñgeni ava velikuatehila valinge ovakokoli-ndyila?