OMWENYO WETU WOUKILISITAU
Ovola Okusoka nga Huku
Onthwe tuahanda ñgeno ovipuka aviho tulinga vihambukiswa Siovaa. (Pro. 27:11) Ine pena etyi tuasoka okulinga, tete matusoko oñgeni matyikalesa Siovaa, na apa umwe Ombimbiliya yehetyipopile nawa-nawa. Oityi matyitukuatesako?
Lilongesa apeho Ombimbiliya. Tyina tutanga Ombimbiliya ongatyina tuli nokutomphola na Siovaa. Tumona oñgeni ankho atekula ovanthu vae, oñgeni akala tyina amona ovanthu valinga ovipuka oviwa, netyi alinga ovanthu vokuehemutavela, tunoñgonoka vali nawa etyi ekahi netyi asoka. Pahe tyina tuameya pokulinga otyipuka tyimwe, ononkhono mba Huku mambutukuatesako okuhinangela etyi tuelilongesile mondaka yae. — Suau 14:26.
Ovolola. Tyina pena etyi wahanda okulinga, tete lipula okuti: ‘Oityi Ombimbiliya ipopia tyayemba ku etyi nahanda okulinga? Oityi Siovaa ahanda ndyilinge?’ Likuambela ku Siovaa omuiti ekukuateseko, tupu ovola momikanda vietu vili melaka liove utale etyi vipopia tyayemba ku etyi wahanda okulinga. — Sal. 25:4.
TALA OVIDIU YATI: TUNA “OKUHATEKA TYIKOLELEYA” — LIA OKULIA KUKONGOKESA, OKUMBULULA OMAPULO AA:
Ovipuka patyi omuhikuena tuamona movidiu ankho vemuhongiliya okulinga?
Oñgeni okulilongesa omikanda vietu matyikukuatesako tyina no ove wamahongiliyua okulinga ovipuka ngevi tuamona movidiu?
Tyina tuna etyi tuahanda okulinga, omokonda yatyi otyiwa nkhele tulilongese etyi Ombimbiliya ipopia? — Heb. 5:13, 14