Waevela Nononkhali Mbalingwa-le Kohale

Onthwe ononkhali tumbwevelelwa motyilikutila tyeyovo, tyalingwa pweetyi Sesusi afeta ohonde yae tuyovoke. (Efe. 1:7) Mahi Ombimbiliya yati: “Huku mokulioondweya kwae uli nokweevela ononkhali mbalingwa-ale kohale.” Kohale oko, o pweetyi nkhele otyilikutila tyehenelingwe. (Loma 3:25) Mwene Siovaa mokuviukisa kwae, onkhali yeevelwa vala tyina pafetwa otyilikutila. Pahe opo oñgeni akatetekela okweevela ononkhali otyo otyilikutila tyehenelingwe?

Siovaa wapangele okuti matumu ou mayovola ovanthu vayumba onthumbi Mwe, no mweevi apopia. Okuhimbikila onthiki etyipanga, kwe ongatyina otyilikutila tyeyovo tyalingwa-le. (Ehim. 3:15; 22:18) Siovaa ankho utyii-ale okuti, momuvo mwene anaka, Omona wae wongunga, meliave ayovole ovanthu. (Ngal. 4:4; Hemb. 10:​7-10) Pweetyi Sesusi atuminwe pano pohi na Huku, waevelele ovanthu ononkhali naapa otyilikutila nkhele tyehenelingwe. Otyo wetyipelwe umwe na Huku. Walingile tupu ngootyo tyokweevela ovanthu vemutavela, omokonda ankho utyii okuti otyilikutila maave matyipate umwe nononkhali mbavo. — Mat. 9:​2-6.