Tyina Ulingwa Onya Koleleya Vala

Tanga Ehimbikilo 37:​23-28; 39:​17-23, utale etyi ulilongesila kweetyi Susee alingile pweetyi alingilwe onya.

Tala oñgeni tyaenda-enda. Oityi Susee alingililwe onya na vakwavo? (Ehim. 37:​3-11; 39:​1, 6-10) Omanima eñgapi Susee akalele nokulingwa onya? (Ehim. 37:2; 41:46) Momuvo Susee ankho eli nokulingwa onya, oityi Siovaa alingile, oityi ahalingile? — Ehim. 39:​2, 21; Omutala Womulavi wa Janeiro yo 2023 pefo 17 popalangalafu 13.

Tyiheyulula vali nawa. Ombimbiliya kaipopi okuti Susee weliamenene etyi atendeleywa nomukai wa Potifale. Ine Susee kapopile natyike, oityi atila hahe nahapopie? Oityi m’Ombimbiliya mwahapopililwe atyiho? Ovola omakumbululo omapulo oo monotesitu ombu. (Omih. 20:2; Swau 21:25; Ovil. 21:37) Oityi tyapele ononkhono Susee akoleleya? — Mik. 7:7; Luka 14:11; Tia. 1:​2, 3.

Tala etyi ulilongesila-ko. Lipula ñgaa:

• ‘Ovipuka patyi viahaviukile ovanthu vapondola okundinga mokonda ndyimulongwa wa Sesusi?’ (Luka 21:​12, 16, 17; Hemb. 10:​33, 34)

• ‘Oityi ndyina okulinga pehepano haa ndyityivile okukoleleya tyina namalingwa onya?’ (Ovii. 62:​7, 8; 105:​17-19; Omutala Womulavi wa Julho yo 2019 pefo 2-7)