Pitulula Ovinene-po Vali

Okuti pamwe tyikupwiya okuhinangela ovipuka welilongesa? Atuho pamwe tyitupwiya. Oityi una okulinga? Pitulula ovinene-po vali.

Tyina ulilongesa, uti otyo utanga, otyo ukoya-po ovinene-po vali. Nomutumwa Paulu otyo apopilile ovanthu ahonekelele omukanda Ova Hembeleu, wevepele ondundo vasoke kovipuka vatanga, wevetile: “Etyi otyo otyinene-po vali pu evi.” (Hemb. 8:1) Paulu wapopia onondaka ombo akwateseko vakwavo vatie tyina vati pokutanga avasoko kovipuka ovinene veli nokulilongesa.

Tyina wamelilongesa, upondola okusa-po umwe onominutu ekwii, opo usoke kovipuka ovinene vali welilongesa. Ine kuhinangela nawa etyi welilongesa, tala vali ousapi, nonondaka mbotete mbonopalangalafu, opo tyikukwateseko okuhinangela etyi welilongesa. Tyina wamelilongesa otyipuka tyimwe otyipe, pahe tyihangununa monondaka mbove mwene utale ine wetyinoñgonoka umwe nawa. Ine usoka umwe nawa kweetyi welilongesa, opo motyivili okutyihinangela kumetyilimbwa, tupu motyivili okwendela-mo.