Lilongesila Komalutalatu

Momikanda vietu mupakwa omalutalatu omanyingi, omalutalatu atyo oo ena evi etulongesa. Pahe oityi matulingi tulilongesile-ko?

• Tyina wehenetange, nkhele tala olutalatu. Pamwe otyikulia tutyitala vala nomaiho atutyimono okuti tyapepa. No momukanda pamwe okutala vala omalutalatu, otyo tyitutwala kokuutanga. Tyina wehenetange lipula okuti, ‘oityi ndyiete polutalatu apa?’ — Amo. 7:​7, 8.

• Tyina utanga soka omokonda yatyi papakelwa olutalatu olo. Ine polutalatu pena onondaka, nambo mbutanga. Pahe osoko oñgeni etyi tyalekeswa polutalatu tyilii neetyi tyili popalangalafu, otale neetyi ulilongesila-ko.

• Tyina wamatange tala vali omalutalatu opo ekukwateseko okuhinangela ovipuka ovinene welilongesa. Upondola pahe ohininika osoko kolutalatu neetyi lukulongesa.

• Tupu upondola okutala omalutalatu eli momukanda ou otale ine uhinangela ovipuka welilongesa-mo.