Etyi Ulilongesa Tyipopila Vakwenyi

Ovipuka tulilongesa vitupameka, mahi vitupameka vali unene putyina oviwa twakopa-mo tuvipopila vakwetu. Omihe 11:25 wati: “Una upameka vakwavo nae ukapamekwa.”

Okupopila vakwetu evi twelilongesa, tyitukwatesako atuti umwe, onthwe twahalimbwa ovipuka oviwa twakopa-mo, onthwe tupu tunoñgonoka vali nawa ovipuka. Tyina tupopila vakwetu evi twelilongesa matyiti umwe vakwetu vakopa-mo, noonthwe mwene atukala nehambu. — Ovil. 20:35.

Linga ñgaa: Osimanu maiya ovola onomphitilo mbokupopila vakwenyi evi welilongesa. Upondola okupopila vomeumbo lienyi, vo mewaneno lienyi vo pomaumbo, ou muundapa nae, ou mulongeswa nae, aa oyou wamasi movilinga viokwivisa. Tyina uti pokutyipopia, popia monondaka mbove mwene atyiivala umwe nawa.

Wahalimbwe otyipuka etyi: Popila vakwenyi evi welilongesa, mahi tyilinga tyokwahanda okuvepameka, wehetyilinge tyokwahanda okulitalesa. — 1 Kol. 8:1.