Olie Omutumini Mokoyo? — Oityi Ombimbiliya Ipopia?

Apa katutu, ovanthu movilongo ovinyingi mavamange vakoye ou vahanda evetumine. Ovanthu veli nokulipula unene epulo eli: ‘Pahe olie mandyikoyo?’

Oityi Ombimbiliya ipopia?

Ovanthu vena umwe vimwe vehevili okulinga

Ombimbiliya ipopia ovipuka vimwe ovatumini vehevili okulinga.

• “Wahayumbe onthumbi movatumini, mokonda ovana vovanthu kavetyivili okuyovola. Tyina omwenyo uvetunda, vakondoka pohi. Monthiki yatyo oyo, omalusoke avo anyima.” — Salmo 146:3, 4.

Omunthu upondola umwe okutumina nawa, mahi nthiki imwe mankhi. Tyina omutumini umwe una omutima omuwa amanyimi, petupu ou utyii ine ava mavemupingi mavelikuatehila umwe avalinge nawa ovipuka ngae. — Eclesiastes 2:18, 19.

Ombimbiliya ipopia umwe nawa okuti omunthu katulingilwe atumine omunthu omukuavo.

• “Omunthu ketyivili nokuviukisa umwe vala ononthambo mbae.”—Jeremias 10:23.

Okuti hamwe pena umwe omunthu uti umwe nga eya pokutumina atumina nawa?

Omutumini wakoyua na Huku

Ombimbiliya ipopia okuti kwakoya omunthu umwe ukahi nawa, uyumbwa onthumbi. Omunthu watyo oo Huku akoya atumine, o Sesusi Kilisitu. (Salmo 2:6) Sesusi una ava atumina navo keulu, navo vakoyua na Huku. — Mateusi 6:10.

Pahe, motavela ine kumetavela okutuminwa na Sesusi? Ombimbiliya ipopia oityi wesukisila okusoka nawa kotyipuka otyo. Yati:

• “Humbei omona [Sesusi Kilisitu] opo Huku ehemunumanene, amwahankhila mondyila. Mokonda Ngwe unumana liwa. Omunthu wokutilila mwe, una ehambu.” — Salmo 2:12.

Pahe una umwe okusoka nawa etyi molingi. Ombimbiliya ipopia okuti Sesusi wahimbika-le okutumina menima lyo 1914, apa katutu meya okumanako ovatumini aveho. — Daniel 2:44.

Opo utale etyi una okulinga tyimoneke okuti wahula ku Sesusi, tanga onthele ei yokwati: “Holovona Okuhula Kouhamba wa Huku!”