Oityi Ovatumini Veliyapaukila? — Oityi Ombimbiliya Ipopia?

Mouye auho ovanthu vatwala-ko vala okuliyapuka vali unene. Omukanda umwe utiwa Pew Research Center wo 2022, wati: “Povanthu vena 100 vena 65 vakala movilongo vikehika 19, movilongo viavo kavelivile mokonda tyiti ava vahula komutumini ou, ava vahula komutumini ou.”

Okuti apa ukala ovanthu navo veliyapauka? Omokonda yatyi? Okuti otyo nthiki imwe matyipu-ko? Tala oityi Ombimbiliya ipopia.

Etyi tyitwala ovanthu kokuliyapuka

Ombimbiliya yapopia-le kohale okuti, “kononthiki mbahulilila,” ovanthu ovanyingi mavekeliyapauka.

• “Kononthiki mbahulilila makukakala omivo vialema unene, viepuiya okukala. Mokonda ovanthu mavakakala ovanthu velihole ovo muene . . . vehetavela okulipakela-mo.” — 2 Timotiu 3:1-3.

Namphila ovatumini ovanyingi vatutumba umwe opo vaete ombembwa mouye, mahi nii kavetyivili. Ovanthu mouye ngavaundapela ñgoo kumwe kavetyivili okumanako ovitateka, mokonda tyiti ou wenda nei ou wenda nei. Mwene ngwe ombimbiliya yetyipopia-le kohale okuti:

• “Omunthu okutumina omunthu mukwavo pala okulimonesa ononkhumbi.” — Eclesiastes 8:9.

Mahi Ombimbiliya ipopia tyimwe tyitutulisa omutima — makukeya omutumini umwe makatumina ovanthu aveho, akamana-ko ovitateka tumona hono.

Omutumini umwe watokala okutumina

Ombimbiliya ipopia omutumini umwe watamo pala okutumina, omutumini oo, o Sesusi Kilisitu ngwe utyivila umwe okuhonyeka ovanthu aveho avelikwate-po vakala nombembwa.

• “Kononthiki mbae, omuviuki makakala nehambu, nombembwa onyingi.” — Salmos 72:7.

• “Onohamba ambuho mambukelinyongamena kwe.” — Salmos 72:11.

Sesusi ohamba imwe yatamo mokonda ngwe wesuka novanthu aveho, haunene umwe vana vokulingwa onya.

• “Mokonda Oe mayovola omuhepi uliyavela okuita ombatelo, na una umona ononkhumbi, na kese umwe uhena omuvateli. Makalingila okankhenda una uhena tyae nomuhepi, nokukayovola omienyo viovahepi.” — Salmos 72:12-14.

Lilongesa vali etyi tyayemba kouhamba wa Huku uli keulu. Tala etyi upondola okulinga opo upole ouwa koutumini oo, no oñgeni ove upondola okukwatesako ouhamba oo.

• Tala ovindiu yati: Ouhamba wa Huku Oityi?

• Tanga onthele yokwati: “Ouhamba wa Huku — Outumini Umwe Muhena Ounkhembi.”