Onombangi mba Siovaa, Ovanthu Ovanyingi-Nyingi Okwiipawa — Oityi Ombimbiliya Ipopia?

Mu 27 ya Janeiro yo 2023, ovanthu ovanyingi maveliongiya vahinangele etyi ovanthu ovanyingi-nyingi vaipaelwe. (Dia Internacional da Lembrança do Holocausto). Apa otyipuka otyo tyalingwa pena-le omanima 75, mahi ovanthu ovanyingi nkhele velipula okuti: ‘Omokonda yatyi Huku ayekelele ovanthu ovanyingi-nyingi vaipawe?’

• Opo unoñgonoke etyi Ombimbiliya ipopia tyayemba kwotyo, tanga onthele yatyi: “Oityi Huku Ayekelele Ovanthu Ovanyingi-nyingi Vaipawe?”

Ova Sundeu ovanyingi-nyingi vaongiyilwe avaipaelwa kumwe. Pomuvo watyo opo ha va Sundeu vala vaipaelwe, pena vali ovanthu ovakwavo vaipaelwe. Vamwe puvo Onombangi mba Siovaa. Vamonesilwe ononkhumbi avaipawa mokonda vafenda Siovaa.

• Opo utyinoñgonoke vali nawa tanga onthele yati: “O que aconteceu às Testemunhas de Jeová durante o Holocausto?”

“Etyi Tukevelela Komutwe Wandyila”

Ovanthu vena vala owoma wokuti hamwe tyiya-po vali tyokwongiywa avaipawa. Mahi Ombimbiliya itupopila okuti apa katutu ovitateka ovio mavipu-ko.

• “‘Tyetyi ame mwene ndyii nawa omalusoke ndyina konthele yenyi’, otyo tyapopia Siovaa, ‘omalusoke ombembwa, ha-ononkhumbi, opo ndyimwavele ekevelelo no nonthiki mbo komutwe.’” — Jeremias 29:11.a

Otyipuka otyo matyikafwiswapo vala tyina Siovaa ameya okumana-ko ovivi na vana vevieta-ko. Apa katutu Huku:

• Meya okuhanyako vana vamonesa vakwavo ononkhumbi. — Provérbios 2:22.

• Mapoloko ovipuka aviho vitumonesa ononkhumbi. — Eholololo 21:4.

• Makatutilisa vokwankhia. — Suau 5:28, 29.

Yumba-ko umwe onthumbi kovipuka ovio Ombimbiliya yapopia. Ine wahanda okulilongesa Ombimbiliya onthwe tulongesa ovanthu otyali.