Ovanthu Kavena Nokuyumba Onthumbi Movatumini — Oityi Ombimbiliya Ipopia?

Enima lino lyo 2024, tyokuvotala tyalinga vali otyinyingi mouye auho. Mahi, ovanthu ovanyingi pahe kavena vali nokuyumba onthumbi movatumini.

• Ovanthu ovanyingi vapulwa voko América, vapopia okuti: “Ovanthu ovanyingi vokuhanda okutumina, etyi mwene vahanda okumonena-po vala,” hakuti vahanda okukwatesako ovanthu mavatumina.a — Pew Research Center, 19 ya Tungonkhe yo 2023.

Ovakwendye ovanyingi navo kavayumbu onthumbi movatumini.

• “Ovakwendye ovanyingi vahanda-vo ñgeno ovatumini vevekwatesako movitateka vakala navio, mahi vapopia okuti nii vala kavena nokuvekwatesako.” — The New York Times, 29 ya Kupupu yo 2024.

• “Vamwe vapulwa vapopia okuti, ovakwendye ovanyingi vayumba vali onthumbi mweevi vavasa mono internete, tyipona kovatumini.”— The Korea Times, 22 ya Kupupu yo 2024.

Okuti tupondola okuyumba-ko onthumbi okuti ovatumini mavetyivili okuviukisa ovipuka? Opi tuna okuyumba onthumbi?

Tala nawa omu uyumba onthumbi

Ovanthu vena okutala nawa omulie mavayumbu onthumbi. Ombimbiliya yati: “Omuhima onondaka ambuho uti onongwa, mahi wokwatonkhoka nkhele usoka nawa, ahalingi vala liwa etyi asoka.” — Omihe 14:15.

• Opo unoñgonoke nawa etyi una okulinga, unoñgonoke etyi una okutavela neetyi wahapondola okutavela, tanga onthele yati: “Como se Proteger de Informações Falsas.”

Atee umwe ovatumini vana vahanda umwe okukwatesako ava vatumina, kavetyivili. Otyo Ombimbiliya yapopila okuti:

• “Wahayumbe onthumbi momanene atyo, wahayumbe onthumbi movanthu vahaeta-le eyovo.”— Oviimbo 146:3, Ombimbiliya Ikola Yaava Ekevelelo Liouye Omupe.

Omutumini ove upondola okuyumba onthumbi

Ombimbiliya ipopia okuti Huku wapakako omutumini utyivila okumanako ovitateka viovanthu, tupu uyumbwa onthumbi: Omutumini oo, o Sesusi Kilisitu. (Luka 1:32, 33) Sesusi oe Ohamba Youhamba wa Huku, outumini umwe uli keulu. — Mateusi 6:10.

• Noñgonoka omokonda yatyi upondola okuyumba onthumbi mu Sesusi, neetyi makalinga opo etuyovole kovitateka vietu. Tanga onthele yati: “Olie Ohamba Youhamba wa Huku?” no yokwati: “Oityi Ouhamba wa Huku Maukalinga?”