Tyokwehetavela Ovitumino Tyavilapo — Oityi Ombimbiliya Ipopia?

Ko Haiti omakongombanda ena nokuhukaisa ovanthu. Vokwiipa vakwavo vena nokumonesa ononkhumbi ovanthu ko África do Sul, noko México, no kovilongo ovikwavo vyo América Latina. Vokukala kovilongo kwahalingisa otyiho, tyina veiva okuti kuna ovanthu vaipaa vakwavo kovilongo vimwe, vati umwe ovo vawela owoma ovo valinga otyiho.

Oityi Ombimbiliya ipopia tyiyemba kokwehetavela ovitumino tyili nokumoneka mouye?

Etyi Ombimbiliya ipopia tyiyemba kokwehetavela ovitumino

Ombimbiliya ipopia okuti okwehetavela ovitumino matyikala povipuka vilekesa okuti “ouye wehika konthyulilo.” (Mateusi 24:3) Pokupopia ovipuka mavimoneka vilekesa onthyulilo Sesusi watile:

• “Okwehetavela ovitumino matyikevilapo, olwembia lwovanyingi alukatenda.” — Mateusi 24:12.

Ombimbiliya tupu yapopia-le okuti ‘kononthiki mbahulilila,’ ovanthu vouye mavakakala ovanthu “vehelikondola mutima, ovinyama, vehehole otyiwa.” (2 Timotiu 3:1-5) Otyo tyokulinga etyi omunthu mwene ahanda, tyieta okwehetavela ovitumino ngeetyi tweete hono.

Mahi tuna apa twapamena. Ombimbiliya yati apa katutu tyokwehetavela ovitumino matyipu-ko.

• “Apa katutu onondingavivi kamambukakala-ko vali. Mokatala apa ankho mbukala, kambu-po vali. Mahi onondalawa mavakapiñgana ohi, avakakala-ko nehambu enene nombembwa onene.” — Oviimbo 37:10, 11.

Tanga Ombimbiliya unoñgonoke etyi ipopia tyitupameka, neetyi tyitwavela onthumbi yokuti omaulo Ombimbiliya ekahi nokufwiswapo. Tanga ononthele ombu.

“Você pode acreditar num futuro melhor”

“Olipi Enyingilikilo “Liononthiki Mbonthyulilo,” ine “Onthyulilo Yononthiki”?”

“Será que a Bíblia já falava como as pessoas iriam pensar e agir hoje?”