Susuwee
19 Omuhoko wa vali+ walandulile-ko, o wokwatuka mu Simiyau,+ mokwelikalaila kwavo mombunga. Ofika yavo ili mo ya Sundaa.+ 2 Omapunda-umbo avo, tyati: O Mbelesemba+ o Semba, o Molandaa,+ 3 o Hasale-Swali,+ o Mbalaa, o Esee,+ 4 o Elitolande,+ o Mbetule, o Holomaa, 5 o Sikalange,+ o Mbete-Malakambote, o Hasale-Susa, 6 o Mbete-Lembaoti,+ no Saluwee. Omapunda-umbo 13, nonosandyala mbatyo. 7 O Aii, o Limoo, o Etele o Asaa.+ Omapunda-umbo ekwana, nonosandyala mbatyo. 8 Omapunda-umbo oo aeho oavo, nonosandyala mbatyo, atee ko Mbaalate-Mbeele no ko Lamaa okuviuka kombwelo. Oo, omapunda-mbo o vomuhoko wa Simiyau mokwelikalaila kwavo mombunga. 9 Ofika yo vomuhoko wa Simiyau yatetwa kofika yo vomuhoko wa Sundaa, mokonda ofika yo vomuhoko wa Sundaa onene unene ngwe kavehi. Otyo vomuhoko wa Simiyau vatetelelwe kofika yo vomuhoko wa Sundaa.+
10 Pahe akulandula omuhoko wa tatu,+ vokwatuka mu Sembulau,+ mokwelikalaila kwavo mombunga. Ofika yavo yenda atee ko Salinde. 11 Ofika yavo, kombanda ikaviuka ko Maleale, aikakwata ko Ndambesete, aikaveta no kelola* lili ko Sokineau. 12 Ofika oyo tupu ikakwata ko Salinde, aikaviuka koutundilo, aikalinga onondimbu no Kisilote-Tambole, aikateta no ko Ndambelate,+ pahe aikaviuka no ko Safiya, 13 aikaviuka vali koutundilo, aikakwata ko Ngate-Efele+ no ko Ete-Kasii, aikateta no ko Limoo, aikehika ko Neaa. 14 Ofika oyo ikelisetela kombanda, aikaviuka ko Hanatoo, aihikila Kelola lyo Ifitaa-Eli, 15 aikakwata ko Katate, no ko Naalali, no ko Siniloo,+ no ko Indala, no ko Mbelei.+ Ofika yavo ina omapunda-umbo 12, nonosandyala mbatyo. 16 Oyo, ofika yo vomuhoko wa Sembulau mokwelikalaila kwavo mombunga.+ Oo omapunda-umbo atyo, nonosandyala mbatyo.
17 Akulandula omuhoko wa kwana,+ vokwatuka mu Isakale,+ mokwelikalaila kwavo mombunga. 18 Omapunda-umbo avo, tyati: O Sesiliyeli,+ o Kesulote, o Sunei,+ 19 o Hafalaii, o Siyo, o Anaalate, 20 o Lambite, o Kisioo, o Embesi, 21 o Lemete, o Ene-Nganii,+ o Ene-Andaa, o Mbete-Pase. 22 Ofika yavo ikakwata ko Tambole,+ aikateta no ko Saasima, no ko Mbete-Seme, aihikila mo Solondau. Omapunda-umbo 16, nonosandyala mbatyo. 23 Oyo ofika yo vomuhoko wa Isakale mokwelikalaila kwavo mombunga,+ omapunda-umbo atyo, nonosandyala mbatyo.
24 Omuhoko wa tano+ walandulile-ko, o wa Asele,+ mokwelikalaila kwavo mombunga. 25 Omapunda-umbo avo tyati: O Helikate,+ o Hali, o Mbetei, o Akisafe, 26 o Alameleke, o Amande, o Misale. Okuviuka kombwelo, ikehika ko Kalumelu,+ no ko Siyole-Limbenate. 27 Okuviuka koutundilo ikelisetela ko Mbete-Ndangoo aikakwata ko Sembulau, Elola lyo Ifitaa-Eli ailikwate kombanda, aikakwata ko Mbete-Emeke no ko Neiyeli, aikatetela kombwelo yo Kambule, 28 aikakwata ko Emboloo, no ko Leombe, no ko Hamoo, no ko Kana, aikehika ko Sindone+ Onene, 29 aikelipondela ko Lamaa no kepunda-umbo liovimato viokwapama lyo Tilu,+ aikakwata mo Hosa, ayooyela melunga, mofika yo Akisimbe, 30 no Umaa, no Afeke,+ no Leombe.+ Ofika yavo yali nomapunda-umbo 22, nonosandyala mbatyo. 31 Oyo, oyo ofika yo vomuhoko wa Asele mokwelikalaila kwavo mombunga.+ Oo omapunda-umbo atyo, nonosandyala mbatyo.
32 Omuhoko wa pandu+ walandulile-ko, o wa Nafitalii, mokwelikalaila kwavo mombunga. 33 Ofika yavo ihimbikila mo Helefe, pomuti omunene mo Saanani,+ aikakwata ko Andami-Nekembe, no ko Sambineele, no ko Lakuu, aihikila mo Solondau. 34 Ofika oyo ikakwata ko Asinote-Tamboli aikaviuka koutakelo, aikakwata ko Hukoke, o Sembulau aiikwata kombwelo, aikakwata ko Asele aikaviuka koutakelo, aikateta no mo Sundaa, no ko Solondau aikaviuka koutundilo. 35 Omapunda-umbo atyo ovimato viokwapama, tyati: O Sindii, o Sele, o Hamate,+ o Lakate, o Kinelete, 36 o Andamaa, o Lamaa, o Hasole,+ 37 o Kendesi,+ o Endelei, o Ene-Asole, 38 o Iloo, o Mingindale-Ele, o Oleei, o Mbete-Anate, o Mbete-Seme.+ Omapunda-umbo 19, nonosandyala mbatyo. 39 Oyo ofika yo vomuhoko wa Nafitalii mokwelikalaila kwavo mombunga,+ omapunda-umbo atyo, nonosandyala mbatyo.
40 Omuhoko wa pandu-vali+ walandulile-ko, o wa Ndaa+ mokwelikalaila kwavo mombunga. 41 Omapunda-umbo avo, tyati: O Solaa,+ o Esitaole, o Ili-semesi, 42 o Saalambii,+ o Aisaloo,+ o Itela, 43 o Elone, o Timinaa,+ o Ekoloo,+ 44 o Eleteke, o Simbetone,+ o Mbaalate, 45 o Seunde, o Mbene-Mbelake, o Ngate-Limoo,+ 46 o Me-Salekoo, aihikila mo Lakoo yelihula no Sope.+ 47 Mahi ofika ya Ndaa yevehita unene.+ Avakatula ovita, avakalwisa epunda-umbo lyo Lesei,+ avanyingila-mo, ovanthu vatyo aveveipaa nomutunga. Vanyingilile-mo, ngoomo vakala. O Lesei aveiluku okuti o Ndaa, enyina liomukwaukulu wavo.+ 48 Oyo, oyo ofika yo vomuhoko wa Ndaa mokwelikalaila kwavo mombunga. Oo omapunda-umbo atyo, nonosandyala mbatyo.
49 Aveho avaoyoko kokutetailwa onofika. Pahe, ova Isilayeli avaavela Susuwee ofika motyilongo tyavo, Susuwee omona wa Nuu. 50 Avalingi umwe etyi Siovaa atuma, avaavela Susuwee epunda-umbo aitile, epunda-umbo lyo Timinate-Sela,+ mofika yonomphunda mbo Efalaii. Elitungu nawa, ngoomo akala.
51 Ombo onofika Eliyasale omunakwa, na Susuwee omona wa Nuu, nonohongoi mbomihoko viova Isilayeli, vaavelele+ ovanthu pweetyi veli mo Siloo.+ Pokuvetetaila vatalesile, kotyipala tya Siovaa, pombundi yekaka liomaliongiyo.+ Otyilongo atyiho avevetetaila-tyo.