Sombe
23 Sombe apopi-po ati:
3 Oouu, Huku uvahiwa-pi-ale!+
Ñgeno naya-vo vala apa akala.+
4 Ñgeno natwala ondaka yange kwe,
Momulungu wange ñgeno neyulisa-mo onondaka.
5 Ñgeno natehela etyi mapopi,
Ñgeno natehelela nawa etyi mamphopila.
6 Okuti ñgeno wandwisa ngwe una ononkhono ononene?
Au, ame ndyityii okuti ñgeno wanthehelela.+
7 Ondingaviwa okwenda pu Huku, vatomphola umwe avamane-po ovitateka vena-vio,
Ou Wokuteta onomphela mbange, ñgeno ondaka weimphola-le, wiimphola umwe vala like, andyiyovoka umwe.
8 Mahi, okwenda koutundilo, keko.
Etyi ndyikondoka apa ankho ndyili-ale, himuvasi-po.
9 Tyina amanthyulu kokumbili, okumwoovola himumono.
Etyi anthyula kokulio, haityo-ñgo.
10 Mahi, ngwe ondyila ame ndyikwata uyii.+
Tyina amankhangula, mandyikala ngoolu yakangulwa.+
11 Onomphai mbange mbuliatela umwe vala apa ngwe aliatela.
Hatundile mondyila yae, hayapukile-mo.+
12 Hayapukile movitumino viatunda momulungu wae.
Evi apopia nevipaka momutima,+ evi napaka momutima viapona evi atuma.*
13 Tyina ena etyi ahanda okulinga, olie memuti wahalinge?+
Etyi ahanda,* utyilinga umwe.+
14 Etyi apanga okundinga,* meketyilinga umwe atyiho,
Ovinyingi-ale apanga mandingila.
15 Otyo tyandingisa, tyina ndyimusoka ñgaa ndyilinga otyiho.
Tyina ndyimusoka, ndyitila vali unene owoma.
16 Huku wamphoneswa,
Omuvili wa Atyiho, wanthilisa owoma.
17 Ndyili umwe menthiki, mahi ndyipopia umwe, himutu-ale,
Himono-ale enthiki lianthyika motyipala, anahapopi.