Sombe
3 Okuti ipondola okulifefa kwoove?
Okuti ipondola okukupopila nonkhenda?
4 Okuti ipondola okulinga noove omphango
Ilinge omupika wove ononthiki ambuho ina omwenyo?
5 Okuti ove upondola okunyana-nyana nayo ngatyina otyiila,
Hamwe okwiikuta nelienge, oyaavela ovana vove ovakainthu?
6 Okuti vokulinga onondando maveilandesa?
Okuti maveitetaila pokati ovakwa-vitanda?
7 Okuti ove utyivila okutiula otyikova tyayo nonondyolo?+
Okuti utyivila okutiula omutwe wayo nomaonga okufwa?
8 Itentheka vala enkhanya na utale,
Mapakala ovilwa wahamalimbwa nii kumetyisoko vali tyokuipaka enkhanya!
9 No ou wahanda okwiitekula ulipwilisa vala.
Okwiimona vala ñgaa komaiho, uteketa.*
10 Nawike ulipa ovipuka, eileve.
Pahe kwaame, olie upondola okuveta-ko?+
11 Olie watetekela okumpha tyimwe opo naame ndyimupe-vo vali?+
Atyiho tyili mombwelo yeulu otyange.+
12 Nkhele mandyipopi vali ovikalo viayo,
Nononkhono mbayo, nolutu lwayo lwatungwa nawa.
13 Olie kumbi weiyuvile-ale?
Olie manyingila monomphanda mbayo?
14 Olie utyivila okwikula omapito omulungu wayo?*
Omayo ayo aeho atilisa owoma.
15 Komwongo wayo ina omakakava aenda omatete-omatete,*
Elivanda nawa.
16 Elivanda umwe nawa-nawa,
Nii omphepo vala pokati kao kailambe.
17 Omakakava oo, elikakanyena.
Elikakanyena umwe unene nokwekakula vala katyitavela.
19 Momulungu wayo mutunda omiliakulo.
Muyo mutunda onohahe.
20 Momayulu ayo mutunda omwihi,
Mukatuka omwihi uti vala omofolono mwanthiakanwa nonombungu.
21 Omphepo itunda muyo itokota, iyakesa omakala,
Momulungu wayo mutunda otupia.
22 Ononkhono ina-mbo momunyino kambulifwe pano,
Itilisa unene owoma.
23 Omaonya otyikova tyayo elienda nawa,
Akola nawa uti vala anthililwa-ko, kaapikaita.
24 Omutima wayo watena ngemanya,
Watena unene uti vala onkhunkho.
25 Tyina ikatuka no vokwapama umwe vateketa.
Tyina yieenda* ñgaa, tyitilisa unene owoma.
26 Omutunga muyo kaunyingila,
Nii eonga nii otyitungo nii ohevo.+
27 Otyivela muyo uti vala otyiyaya,
Otyitasu muyo uti vala otyivolela.
28 Kaitili ohevo.
Okwiiyumba emanya nonthwala, o ngatyina yayumbwa vala oviyaya.
29 Otyimuti muyo uti vala otyingenge,
Okwiiva eonga iyola.
30 Eimo liayo uti vala ovimphemu viombiya,
No monthata ikwata-mo vala, uti vala osola yokutyopa.+
31 Tyina yamai kohi yomeva, ahiluka umwe uti vala eli mombiya.
Ipuñgainya elunga uti vala ombiya ihiluka ina omulela.
32 Apa ikwata isa-po omunthinda uliaima,
Utyitala uti omeva ena onohuki onongonga.
33 Kombanda yeheke kutupu etyi yeelekwa natyo,
Otyinyama tyimwe tyehena owoma, otyo tyatungwa ngootyo.
34 Ko vokwehetavela oko umwe iviuka.
Oyo ohamba yovinyama aviho ovinene viomohika.”