Oviimbo

85 Siovaa, ove walinga okankhenda otyilongo tyove,+

Ove wakondola va Sakoo ankho vatwalwa koukonde.+

 2 Ovanthu vove wevepolela-po ovipuka ovivi valinga,

Wevekutulula* ononkhali mbavo ambuho.+ (Selaa)

 3 Onyengo yove aiho weikondola,

Ohondovoka konyengo yove yatokota.+

 4 Tukondole-vo* Huku yetu, muyovoli wetu,

Nthiamo-vo onyengo una noonthwe.+

 6 Kumetukalesa-vo vali nomwenyo,

Opo ovanthu vove vekekuhambukilwe?+

 7 Siovaa,+ olwembia lwove olunene luhike-vo kwoonthwe,

Otuyovola-vo.

 8 Mandyitehelela etyi Huku yotyotyili Siovaa mapopi,

Mokonda maetela ombembwa ovanthu vae,+ ovanthu vae vehemuyeke-po.

Mahi ngwe veheliyumbe vali onthumbi ngeetyi valinga-le.+

 9 Omunkhima wae maukala motyilongo tyetu,+

Mokonda mwene eyovo liae lili popepi naava vemutila owoma.

10 Olwembia olunene notyili mavikelivasa.

Ei ombembwa neetyi tyaviuka mavikelihipa onombesu.+

11 Otyili matyikamena meheke,

Etyi tyaviuka tyokuli meulu matyikatala mombwelo.+

12 Tyotyili, Siovaa makaava oviwa.*+

Etyi otyilongo tyetu matyikayela ovikuna.+

13 Etyi tyaviuka matyikemukalela komutwe,+

Atyikaviukisa apa aliatela.