Selemiya

43 Selemiya etyi amana okupopila ovanthu aveho onondaka ambuho mba Siovaa Huku yae, apopi umwe onondaka ambuho Siovaa Huku yae emutumine embupopie, 2 atyiti na Asaliya omona wa Osaiya; na Soanaa+ omona wa Kaleyaa; novalume aveho vokwelipaka-ko, avapopila Selemiya avati: “Etyi uli nokupopia omatutu! Siovaa Huku yetu, kekutumine utie, ‘Mwahayei no ko Isitu.’ 3 Mahi o Mbaluke+ omona wa Neliya uli nokukuhindila utupakule kova Kalindeya, twipawe, okuti hatyo, atutwalwa koukonde ko Mbambilonia.”+

4 Soanaa omona wa Kaleyaa, novanene vovita aveho, novanthu aveho, avehetavela umwe otyitumino tya Siovaa tyokukala motyilongo tyo Sundaa. 5 Atyiti na Soanaa omona wa Kaleyaa novanene aveho vovita, avaende nova Sundaa aveho vahupa-po vakondoka motyilongo tyo Sundaa, ava vatundile kovilongo aviho vatyandyanesilwe nako.+ 6 Avaende novalume, novakai, novana, novana vohamba ovakainthu, novanthu aveho* ava Nembusalandaa+ omunene wovayungi asile na Sendaliya+ omona wa Aikau,+ Aikau omona wa Safaa;+ nomuuli Selemiya na Mbaluke omona wa Neliya. 7 Avaende no kotyilongo tyo Isitu, ko Tafene,+ okwehetavelele umwe ondaka ya Siovaa.

8 Pahe ondaka ya Siovaa ayeendela Selemiya etyi eli ko Tafene aimuti: 9 “Kwata omamanya omanene, oeholeka monthata yosimendu pepata liomatisolu likala pombundi yondywo ya Falaoo ko Tafene otyo ovalume ova Sundaa vatala. 10 Pahe ovepopila oti: ‘Etyi otyo tyapopia Siovaa womambamba ovita, Huku yo Isilayeli, wati: “Ame oo ndyikonga Nambukondonosole* ohamba yo Mbambilonia, omuundapi wange,+ mandyipake otyipundi tyae kombanda yomamanya aa naholeka, oko makatunga ohinge yae.+ 11 Meya, malwisa otyilongo tyo Isitu.+ Ou mankhi konkhano, mankhi konkhano; ou matwalwa koukonde, maende koukonde; ou mankhi komutunga, mankhi komutunga.+ 12 Mandyipake otupia+ onondywo* mbovika-huku vyo mo Isitu; ngwe mekembuyokapo, ovika-huku viatyo evitwala koukonde. Ngwe mekelihika otyilongo tyo Isitu, ngeetyi omunthita elihika ovikutu viae, makatunda-ko nombembwa.* 13 Makateya-po ovipandyi vyo ko Mbete-Seme,* kotyilongo tyo Isitu, akapaka otupia konondywo* mbovika-huku vyo Isitu.”’”