Isekiyele
27 Ondaka ya Siovaa aindyendela vali aiti: 2 “Mahi ove mona womulume, imbila o Tilu ongengeya,*+ 3 popia o Tilu uti:
‘Ove wokukala ponombundi mbelunga,
Wokulingila ovitanda vovilongo ovinyingi vyo pokati kelunga,
Etyi otyo tyapopia Tatekulu Ohamba Onene Siovaa, wati:
“Ove Tilu, ove mwene weliti: ‘Ame ndyimuwa umwe namana.’+
4 Onohika mbove mbuli momutima welunga,
Ovatungi vove, vekulinga vali omuwa.
5 Omavai ove aeho vahonga o omingalaviya vyo ko Senile,+
Vakapolele omusendulu ko Limbanu opo vekuhongele omphandyi yombaluku.
6 Omaluvale okwitaha veepola komikalavaliu vyo ko Mbasaa,
Omutwe wayo, walingwa nomusipelesiti wahonya nomayo onondyamba mbo kovilongo vyo pokati kelunga ko Kitii.+
7 Ovinyanga viokukutilwa komutalekwa wombaluku, ovinyanga viokwaunda-unda vyo ko Isitu.
Otyinyanga tyayo tyokahi, tyina otyivala otyingole no tyonkhula, tyapolwa kovilongo vikala pokati kelunga ko Elisaa.+
8 Vomo Sindone no vomo Aluvande+ ovo ovatahi vove.
Ovalume vove ovanongo, Tilu, vali ovanene vatyo vonombaluku.+
9 Ovalume vokutyii kwatyo,* ovanongo vo mo Sembale,+ vapataile pominkhia viove.+
Onombaluku ambuho melunga, novanene vatyo vaendela-ko, o kwoove veile-ile mulilandese.
10 Ovalume vo mo Pelesa, no vo Lunde, no vo Pute,+ vali ovita viove, ovalume vokulwa.
Vatulaikile onondyakulilo mbavo, nomakapasete avo* kwoove, vekupele omunkhima.
11 Ovalume vo mo Aluvande vali ovita viove vitai vala kovimato vieliseta noove.
Ovalume ovitevo ovo vali omatala ove.
Onondyakulilo mbavo mbelola vembutulaikile kovimato viove okuliseta navio.
Pahe avekulingi umwe omuwa.
12 “‘“Ove mwalingaile oniñgoso na Talisi,+ tyeetyi umuhona.+ Vakumanaine nopalata, notyivela, nositanyu, nosumbu, uvepe oviwa unavio.+ 13 O Savaa na Tumbali+ na Meseke,+ mwalingaile navo oniñgoso, amukumana novapika,+ novityuma viove upangiya notyitasu.* 14 Eumbo lya Tongaluma,+ lieile okukumana ononkhambe mbokutyinda, no mbovilwa, no nomula. 15 Ovanthu vo ko Ndendaa,+ mwalingaile navo oniñgoso; wapakaile ovakwa-niñgoso movilongo ovinyingi vyo pokati kelunga; vekupele elilimu liomayo ondyamba,+ vekupele omavai omunyandi. 16 Mwalingaile oniñgoso na Endoo mokonda ovipuka una-vio ovinyingi. Vekupele-pele omamanya o tulukesa,* ovinyanga viotyivala tyonkhula, omivalo viovipapa viaunda-unda, ovinyanga oviwa, omamanya omawa,* nomamanya olumbii,* mukumane novipuka viove oviwa.
17 “‘“Mwalingaile oniñgoso no Sundaa notyilongo tyo Isilayeli, vekupa otiliku yo ko Minite,+ nokulia okuwa, nowiki,+ nomulela, nombao,+ mukumane novipuka viove oviwa.+
18 “‘“Mwalingaile oniñgoso no Ndamasiku+ movipuka ovinyingi una-vio, nolumono lwove lwayela, amulindesa ovinyu yo ko Helembone, nomainya onongi o ko Saale.* 19 Vendaa na Savaa na Usali vekupele-pele ovipuka viovivela, nomuti omukasia,* nomukalamu,* mukumane novipuka viove oviwa. 20 Mwalingaile oniñgoso na Ndendaa+ omitumba viovinyanga.* 21 Ovaundapi vove, vali ova Alambia, onohongoi ambuho mbo Kendale,+ ovakwa-niñgoso vokulandesa onongi, onoina nononthwei, novinkhombo.+ 22 Mwalingaile oniñgoso no Sambaa no Lamaa;+ vekupele aviho viokunika nawa, omamanya omawa vali, oolu, mukumane novipuka viove oviwa.+ 23 Halaa+ na Kanee na Endene,+ novakwa-niñgoso vo ko Sambaa,+ na Asule+ na Kilemande, walingaile navo oniñgoso. 24 Popalasa yove ankho valandesila-po ovikutu oviwa, nomivalo ovingole viaundaiswa nawa, nomatapete aunda-unda nawa, aviho viayumbwa mumwe, avikutwa nawa nomapanda.
25 Onombaluku mbo ko Talisi,+ ombo mbatyindaile ovitele viove.
Ove okala novitele ovinyingi-nyingi* pomutima watyo welunga.
26 Ovatahi vove vekutwaile melunga liokwanumana.
Omphepo yo koutundilo aikuhanyaunina pomutima welunga.
27 Omalumono ove, novitele viove, noniñgoso yove, novanene vatyo onombaluku mbove, no vokuundapa-mo,
Ovalume vokupata ominkhia viove, ovalandesi vove,+ novita viove aviho,+
— Ovanthu aveho ovanyingi-nyingi veli* mwoove —
Aveho mavakankhila pomutima watyo welunga, monthiki motoko-po.+
28 Tyina ovanene vatyo vonombaluku mbove vameliyavela, ovilongo vyo koluhimba maviteketa.
29 Aveho vokutaha onombaluku, no vokuundapa-mo, novanene vatyo,
Mavakatuluka-mo, avakalela koluhimba.
30 Mavakaulula, avalili unene kombanda yove,+
Otyo veliuva eheke momitwe, avaalangata metwe.
31 Mavekelikulula momitwe, mavavale onosaku.
Mavakalila tyeihamenwa unene* kombanda yove otyo veliyava.
32 Mongengeya yavo mavekekwimbila otyiimbo tyomutambo otyo vati:
‘Olie ulinga nga Tilu, wati umwe filuu mokati kelunga?+
33 Apa etyi ovipuka viove oviwa vitunda mokati kelunga viya, waavailile ovanthu ovanyingi avakowa.+
Onohamba mbo kombanda yohi, mbamonena molumono lwove olunyingi no mononiñgoso mbove.+
34 Pahe wahanyaukila mokati kelunga, kohi yomaande.+
Ove nonondando mbove ambuho, novanthu vove aveho, amuho mwankhila momeva.+
35 Aveho vokukala povilongo vyo pokati kelunga, mavekekutala tyahuva,+
Onohamba mbavo mambukapipililwa+ — movipala viavo mavahimatesa.
36 Ovakwa-niñgoso vovilongo mavakahika omwelwa,* okutala otyipuka walingwa.
Ombitukilo yove maikekuuhulula, mokavituka omapita.
Ove kumakakala-kala-ko vali.’”’”+