Isekiyele
41 Pahe anthwala no komphangu ikola yo kondye,* aeleka onomphandyi mbatyo mbuli mononthele; ya nthele imwe ina onokovandu epandu* mounthanda, onkhwavo nayo ina onokovandu epandu mounthanda. 2 Ombundi yatyo, ina onokovandu 10 mounthanda, evi ovimato vyo mononthele* tyati etyi tyina onokovandu ononthano, etyi tyina onokovandu ononthano. Eyeeleka, moule ina onokovandu 40, mounthanda onokovandu 20.
3 Pahe, anyingila mokati,* aeleka onomphandyi mbo mononthele, omulita* watyo una onokovandu onombali. Ombundi yatyo ina onokovandu epandu mounthanda. Ovimato vyo mononthele vina* onokovandu epandu-vali. 4 Akaeleka vali ondywo yokwapilukila komphangu ikola yo kondye, moule ina onokovandu 20, mounthanda+ ina onokovandu 20. Ngwe amphopila ati: “Ei, Omphangu Ikola unene.”+
5 Pahe akaeleka ovimato viondywo ya Huku, omulita watyo, una onokovandu epandu. Onondywo mbokuli mononthele mbondywo ya Huku, mbuna onokovandu ononkhwana mounthanda.+ 6 Onondywo mbo mononthele, mbuli kosapalalo ina omitete vitatu vionondywo mbelitentheka, omitete viatyo aviho vina-ana onondywo 30. Motyimato tyatyo tyondywo ya Huku mwatungilwa oumato wayaka ovivai vionondywo mbo mononthele, ovivai ovio aviahaiki motyimato tyondywo ya Huku.+ 7 Mononthele mbondywo ya Huku, muna onondondelo mbeliponda,* mbahandyuka vali unene keulu tyina wenda no konondywo ononene.+ Onondondelo ombo, momutete wo mombwelo mbahita, momutete wo keulu mbahandyuka, mbukwata momutete wo pokati.
8 Andyimono otyimato tyeliseta nelisesu liondywo ya Huku, elisesu lionondywo mbo mononthele, okuhimbikila pohi atee pevindi, lina olumbungu lwike lwo nokovandu epandu. 9 Omulita wotyimato tyo kondye tyonondywo mbo mononthele, una onokovandu ononthano. Kondye yonondywo ombo, kuna otyimato tyeliseta nelisesu,* natyo tyivalulilwa kondywo ya Huku.
10 Pokati okuti oku ondywo ya Huku oku onondywo mbokulila,+ pena oluhandya na nthele na nthele luna onokovandu 20 mounthanda. 11 Kuna ombundi imwe yokunyingila monondywo mbo mononthele, itunda poluhandya lwo kombanda, nonkhwavo itunda poluhandya lwo kombwelo. Oluhandya olo mounthanda luna onokovandu ononthano.
12 Ondywo yokwahula koutakelo, yokwapilukila poluhandya lwokunana onokovandu 70 mounthanda, moule ina onokovandu 90; omulita wovimato aviho viondywo oyo, una onokovandu ononthano.
13 Aeleka ondywo ya Huku, moule ina onokovandu 100. Oluhandya lwatyo moule luna onokovandu 100, atyiho nondywo yatyo,* novimato viatyo. 14 Ohika yokuli komutwe wondywo ya Huku mounthanda ina onokovandu 100, nayo noluhandya lwatyo.
15 Aeleka ondywo yapilukila poluhandya opo konyima yatyo, nomivanda viatyo vili na nthele na nthele, moule pena onokovandu 100.
Aeleka nomphangu ikola yo kondye, nomphangu ikola+ yo mokati, nonondywo mbomepata, 16 nomapunduka atyo, nonondyanena, nomivanda vili mononthele+ ambuho ononthatu. Ponthele pepunduka patungwa nomavai, okuhimbikila umwe pohi atee ponondyanena,+ onondyanena ambahamoneka. 17 Akaeleka ponombundi peulu liatyo, no mokati kondywo ya Huku, no kondye yatyo, novimato aviho vieliseta nayo. 18 Mwayolwa ono kelumbii,+ nomiti omindende,+ omindende ovio vili-ali pokati ko no kelumbii onombali, ambuho mbuna-ana ovipala vivali. 19 Otyipala tyomunthu tyatala momundende wa nthele imwe, otyipala tyonkhulika* atyitale momundende omukwavo wa nthele imwe.+ Otyo tyayolwa-yolwa ngootyo mondywo aiho ya Huku. 20 Motyimato tyomphangu ikola mwayolwa-yolwa ono kelumbii, nomiti omindende, okuhimbikila pohi atee potyipamba tyombundi.
21 Ovipamba vionombundi* mbomphangu ikola, vaviukilila vala.+ Komutwe womphangu ikola* kuna otyipuka tyilinga ngoti 22 omutala wovilikutila womavai,+ mokutai una onokovandu ononthatu, moule onokovandu onombali, nonomphandyi mbao pomavindi,* pehina* watungwa nomavai. Pahe amphopila ati: “Ei omesa yokuli komutwe wa Siovaa.”+
23 Tyilinge omphangu ikola yo kondye, tyilinge omphangu ikola unene, ambuho mbuna omapito evali-evali.+ 24 Omapito oo, atopekenywa evali-evali. 25 Komapito omphangu ikola, kwayolwa ono kelumbii, nomindende, nge evi viayolwa-yolwa movimato.+ Komutwe wondywo yo kombundi, pondye, kuna otyikulilo tyatungwa nomavai.* 26 Tupu kuna oundyanena, nomindende viayolwa-yolwa+ motyimato tyondywo yo kombundi na nthele na nthele, no konondywo mbokuli mononthele mbondywo ya Huku, no povikulilo.