Isekiyele
42 Konyima pahe anthwala no kombanda+ mepata lyo kondye. Anthwala ponondywo mbokulila mbo poluhandya,+ okutala kombanda pondywo onkhwavo ili-po.+ 2 Aeleka oluhandya lwo ponondywo mbokulila luli kombundi yo kombanda, moule ina onokovandu* 100, mounthanda ina onokovandu 50. 3 Ohika oyo ili pokati komapata, nepata lyo mokati lina onokovandu 20 mounthanda,+ nepata lyo kondye. Onosapalalo mbatyo mbuna omitete vitatu vionondywo mbelitentheka, omivanda viatyo vielipilukila. 4 Komutwe wonondywo mbokulila kuna omuvanda una onokovandu+ 10 mounthanda, nonokovandu 100 moule,* onombundi mbatyo mbatala kombanda. 5 Onondywo mbokulila mbomutete wo keulu mbahita vali ko mbo momutete wo mombwelo no wo pokati, mokonda omivanda viapola-ko ohika imwe. 6 Onondywo mbatyo mbelitentheka momitete vitatu, mahi mbutupu onomphandyi ngo mbo mepata. Otyo omutete wo kombanda wahitila vali kowo kombwelo no wo pokati.
7 Otyimato tyomamanya tyelihula nonondywo mbokulila mbahula kepata lyo kondye, mbelipilukila mbuna onokovandu 50 moule. 8 Onondywo mbokulila mbahula kepata lyo kondye, mbuna onokovandu 50 moule, mahi mbokuli komphangu ikola, mbuna onokovandu 100. 9 Okutala koutundilo, kuna ombundi yokunyingila-mo itundilila kepata lyo kondye.
10 Tupu kuna onondywo mbokulila mbuli monyima yotyimato* tyomamanya tyo mepata okutala koutundilo posapalalo, ponthee poluhandya, pondywo.+ 11 Pena omuvanda uli komutwe wonondywo ombo, ulinga ngo wo ponondywo mbahula kombanda.+ Tyati no moule no mounthanda mbulifwe, onombundi mbatyo mbelifwa, mbatungwa otyipuka tyike. Onombundi mbatyo, 12 mbelifwa no mbonondywo mbokwahula kombwelo. Pati nomuvanda wahimbikila umwe potyimato tyomamanya tyili koutundilo, na apa panyingililwa.+
13 Amphopila ati: “Onondywo mbokulila mbahula kombanda, no mbo kombwelo, mbokuli poluhandya lwatyo,+ onondywo mbukola, omo ovanakwa vokufwena pu Siovaa valila oviawa vikola unene.+ Ovanakwa vapaka-mo oviawa vikola unene, oviawa viovilia, noviawa viononkhali, noviawa viokwavelwa onombei, mokonda oyo omphangu ikola.+ 14 Tyina ovanakwa vamanyingila momphangu ikola, kavalupuka-mo avaende kepata lyo kondye, nkhele valula-mo ovikutu vaundapa navio,+ mokonda ovikutu ovio vikola. Vena okuvala ovikutu ovikwavo avai nawa apa penda ovanthu aveho.”
15 Etyi amana okweeleka ohika yo mokati kondywo ya Huku,* ankhwatesa pombundi yokwatala koutundilo+ anthwala no kondye, pahe aeleka ohika yatyo aiho.
16 Aeleka ofika yokwahula koutundilo nolumbungu lwokweeleka.* Etyi aeleka, okuhimbikila nthele imwe avitula nthele imwe moule, pena omalumbungu 500.
17 Aeleka nolumbungu lwokweeleka ofika yokwahula kombanda, moule ina omalumbungu 500.
18 Aeleka nolumbungu lwokweeleka ofika yokwahula kombwelo, moule ina omalumbungu 500.
19 Elisete nofika yokwahula koutakelo. Etyi eyeeleka, moule ina omalumbungu 500.
20 Aeleka ononthele ambuho ononkhwana. Kuna otyimato tyeliseta nondywo aiho+ tyina omalumbungu 500 moule,+ nomalumbungu 500 mounthanda tyateta pokati ohika ikola nohika yahakolo.+