• “Fuisapo Etyi Walaa”
    Omutala Womulavi (Wokulilongesua)—2017 | Tyikukutu

    • 7. (a) Omulao patyi Ana alingile iya omokonda yatyi? Okuti Jeova wakumbulula elikuambelo liae? (b) Omulao Ana alingile waetela tyi Samuele? (Tala okatoi.)

      7 Ana nae walingile omulao ku Jeova puetyi ankho ekahi motyitateka tyimwe otyinene. Ankho ulingwa omukuele mokonda yokuhamono ovana iya otyipuka otyo ankho tyimunumanesa unene. (1 Samuel 1:4-7, 10, 16) Apopila Jeova oñgeni elitehelela etyi ati: “Ove Jeova womambamba ovita, inkha utala kononkhumbi mbo muumbili wove, ohalimbwa omuumbili wove iya omuavela omona womukuendye, ame mandyimuavela Jeova ononthiki ambuho mbomuenyo wae, komutwe wae kamakakeyua onohuki.”a (Tala onondaka pokatoi.) (1 Samuel 1:11) Jeova atehelela elikuambelo lia Ana, etyi palamba enima Ana akala nomona, emuluku okuti o Samuele. Ana ahambukwa unene! Mahi kalimbuileko etyi alaele ku Huku. Etyi akala nomona, apopi okuti: “Nemuita ku Jeova.”​—1 Samuel 1:20.

      Ana ankho wafuapo opo ayekepo okulinga ovipuka ehole vali opo afuisepo omulao wae alingila Huku