3. Oityi Siovaa ahanda tulinge tukale omapanga ae?

Siovaa uhole ovanthu vatyo aveho, “mahi epanga enene lya vana valinga etyi tyaviuka.” (Provérbios 3:32) Siovaa uhanda omapanga ae velikuatehile okulinga etyi tyaviuka, avelityilika evi apopia okuti viapenga. Ovanthu vamwe vati kamavetyivili okulinga ovipuka aviho Siovaa atuma. Mahi Siovaa una omutima omuwa. Tyina atala okuti omunthu ou unthyole, umuyeka akale epanga liae. — Salmo 147:11; Ovilinga 10:34, 35.

Onthwe atuho tuahanda ñgeno tukala nomapanga ayumbwa onthumbi, vati umwe okukemba kavakembe, okuvaka kavavake. Siovaa nae uhanda ñgeno omapanga ae valinga ovanthu vayumbwa onthumbi. Mahi pamwe otyipuka otyo katyapepukile, mokonda tyokuyumbwa onthumbi katyakakele mouye uno tukahi. Mahi ine tulikuatehila tulinge ovanthu vayumbwa onthumbi, oityi matupolo-po?

1. Oityi tusukisila okukala ovanthu vayumbwa onthumbi?

Ovipuka aviho tusoka, nevi tulinga, Siovaa uvimona. Pahe tyina onthwe tupopia otyili, atuahakembe vakuetu, Siovaa uhambukwa mokonda utyimona okuti tumuhole, tuna onthilo nae. (Ova Hebeleu 4:13) Ondaka yae Ombimbiliya yati: “Siovaa uyele omunthu upopia omatutu, mahi epanga enene lya vana valinga oviwa.” — Provérbios 3:32.

2. Oityi omunthu uyumbwa onthumbi alinga?

Siovaa uhanda ñgeno “tupopia otyili atuahakembe vakuetu.” (Zacarias 8:16, 17) Tyilinge tuli nokupopia no vetu meumbo, tyilinge tupopia na ava tuundapa navo, tyilinge na ava tufenda navo, tyilinge hamwe tupopia na ava vaundapela kaputu, apeho tuna okupopia otyili. Tupu katupondola okuvaka vakuetu, hamwe atuvenganala. (Tanga Provérbios 24:28 nomukanda Ova Efesu 4:28.) Ovipuka aviho kaputu etutuma tuvifete, tuna umwe okuvifeta. (Ova Loma 13:5-7) Ine tulinga ovipuka ovio, novikwavo vali, matulingi ovanthu ‘vayumbwa onthumbi movipuka aviho.’— Ova Hebeleu 13:18.

3. Ine tulikuatehila tulinge ovanthu vayumbwa onthumbi, oityi matupolo-po?

Tyina tulikuatehila tulinge ovipuka tuapopia konyima oku, vakuetu mavetuyumbu onthumbi, omutima wetu maukala pomphangu. Tupu na vakuetu tufenda navo, mavakala nawa, avahambukwa okukala ponthele yetu. ‘Matuhiwisa ondongeso Yomuyovoli wetu, Huku.’ Muaina, ine katukembe, ovanthu vetutala, matyivepe okunoñgonoka Huku yetu Siovaa. — Titu 2:10.

KUHANDE OKUNOÑGONOKA VALI?

4. Siovaa uhambukwa tyina tupopia otyili

Tangei Salmo 44:21 na Malaquias 3:16, amutomphola omapulo aa:

• Tyina usoka, oityi tyahandela okupopia otyili, atuehetyiholeka?

• Siovaa ukala ñgeni tyina tupopia otyili ngatyilema-lema?

5. Apeho popia otyili

OVIDIU: Oityi Tyeta Ehambu? — Omutima Wasukuka (2:32)

Tangei Ova Hebeleu 13:18, amutomphola oñgeni mupondola okulinga etyi tyipopia otesitu oyo . . .

• meumbo.

• kosikola no kovilinga.

• no movipuka ovikwavo vali.

6. Tyina tupopia otyili tupola-ko oviwa

Pamwe tyina tupopia otyili, tupondola atumonena-po emone. Mahi ine tuahanda tukale nawa, otyo umwe vala tuna okulinga apeho. Tangei Salmo 34:12-16, amutomphola omapulo aa:

• Okuti okupopia otyili, okala omunthu uyumbwa onthumbi, mokala nawa? Oityi wakumbululila ngotyo?

1. Vokuelinepa tyina aveho vevali vapopia otyili, valinga vali omapanga

2. Ovaundapi vana vati umwe, okukemba kavakembe, okuvaka kavavake, ava vaundapela veveyumba onthumbi

3. Ovanthu vokupopia otyili vahumbwa novaundapi va kaputu

ETYI WELILONGESA

Welilongesa okuti Siovaa uhanda omapanga ae vakale ovanthu vayumbwa onthumbi.

Okupitulula

• Omunthu tuti uyumbwa onthumbi, oyou ulinga-tyi?

• Oityi tyahandela umwe okupopia otyili, atuehetyiholeka?

• Ove oityi uhandela okulinga omunthu uyumbwa onthumbi?

KUHANDE OKUOVOLA VALI?

Oñgeni ovohe yovana vena okulongesa ovana vavo vapopie otyili?

Popia Otyili (1:44)

Oityi tuesukisila okuti, etyi tuapopia ngatyo umwe tulinga?

Linga Etyi Wapopia (9:09)

Pamwe onombongo tufeta kaputu, ulinga nambo ovipuka viailikwa no Mbimbiliya. Mahi no ngotyo apeho tuna okumbufeta. Omokonda yatyi?

“Okuti Tuna Umwe Okufeta Etyi Kaputu Aita?” (onthele Yomutala Womulavi)

Omukulu ou ankho ulia mu vakuavo, mahi pahe konyima etyiyekepo. Oityi apilulukila?

“Nanoñgonoka Okuti Jeova Una Okankhenda, Tupu Omueveli” (Omutala Womulavi 1 ya Maio yo 2015)

2. Ine katukoyo nawa omapanga etu, Siovaa makala ñgeni?

“Siovaa ukala epanga lyo vokulinga oviwa.” Naina Siovaa nae ukoya nawa omapanga ae. (Provérbios 3:32) Pahe soka: Ine Siovaa nae utala nawa ovanthu etavela vakale omapanga ae, opo makala ñgeni ine onthwe tulinga omapanga ovanthu vehemuhole, vehesukile-ale nae? Okuti kamanumana? (Tanga Tiaku 4:4.) Siovaa uhanda umwe vala tukale omapanga ae, tupu atukala omapanga ovanthu vemuhole. Ine otyo tulinga umwe otyo, mahambukwa. — Salmo 15:1-4.