Eulo 4. Okuhena Oluembia

“Ovanthu kamavakala . . . nohole no nombunga mbavo.”—2 TIMÓTEO 3:1-3, God’s Word Bible.

● Chris uundapa novanthu vakuatesako vana valingwa onya momaumbo ko Tyilongo tyo Gales ko Norte. Chris wati: “Ame ndyihinangela omukai umwe ankho ndyii anehemuimbuka etyi eya, mokonda ankho wavetua unene. Omukai omukuavo ankho walingua unene onya nokutala kovanthu ankho ketyivili.”

OITYI TYIKAHI NOKUMONEKA? Kotyilongo tyimwe mo Afilika, povakainthu vetatu wike ulalwa nae kononkhono. Ovalume vamwe motyilongo otyo, vapulwa avapopi okuti tyaviuka okuveta ovakai vavo. Mahi, ovakai havo vala vamoneswa ononkhumbi momaumbo. Mongeleka, ko Canadá, ovalume ovanyingi vavetwa ine valingwa onya novakai vavo.

OITYI OVANTHU VAPOPIA? Apeho ovanthu valingwa onya momaumbo. Ovanthu vetyilinga vali unene hono tyipona kohale.

OKUTI ETYI OVANTHU VAPOPIA OTYILI? Tutyii okuti onya momaumbo ikahi nokuliyawisa vali momanima ano. Okuti okunoñgonoka otyitateka, tyitepulula onya ovanthu valingwa momaumbo? Au, katyitepulula. Okuhakala nohole novanthu tyikahi nokuliyawisa vali.

OITYI OVE USOKA? Okuti 2 Timóteo 3:1-3 ikahi nokufuiswapo? Okuti ovanyingi vehena ohole no nombunga mbavo vetyilinga ngatyina tyaviuka?

[Onondaka Mbavilapo pefo 7]

“Onya momaumbo yanoñgonokwa okuti otyitateka tyimwe otyinene tyilingwa novanthu ovanyingi. Ovakai vamwe vavetwa novalume vavo ovikando 35 tyina nkhele vehenetyipopie kombonge.”​—UMA PORTA-VOZ PARA AJUDA DE ABUSO DOMÉSTICO NO PAÍS DE GALES.