Okulinga Omapulo

Mateusi 16:13-16

ETYI UNA OKULINGA: Linga omapulo ekahi nawa, apa omunthu okusoka, musokesa kweetyi ukahi nokupopia, pononthele mbesukisa vali toneka-po.

OÑGENI MOTYILINGI:

• Omapulo apa omunthu okusoka. Viukisa mwee epulo asoke etyi malingi, atyimupe oholo.

• Sokesa omunthu kweetyi ukahi nokupopia. Kwatesako ovateheleli, opo olusoko lweetyi upopia velukungunyikile momapulo elilandula nawa ulinga, omunthu apange etyi malingi.

• Pononthele mbesukisa toneka-po. Linga epulo likahi nawa tyina mopopi otyipuka tyesukisa vali, pahe haa otyipopi nawa. Nga wapopia etyi tyesukisa unene, linga vali epulo uwane-po, okuti hatyo olilingi pokumanuhula.