“Tuhayekei-ko”

4:16-18

Soka kehipululo eli: Onombunga onombali mbukala mosapalalo ihekahi nawa. Ombunga imwe yanumana mokonda osapalalo kaikahi nawa. Mahi ombunga onkhuavo yahambukwa unene. Omokonda yatyi? Omokonda ombunga ya vali ankho ityii okuti mavaende mosapalalo onkhuavo ikahi nawa.

Namphila tutyii okuti “ovitungwa aviho vitualako okukema” vana vaumbila Huku vapamekwa nekevelelo. (Loma 8:22) Ovitateka tuna pahetyino, nevi tunale mokueenda kuomanima omanyingi, ‘viapepuka’ okutalela koviwa matukapewa mouye omupe. Mahi inkha tutualako okusoka kuetyi Ouhamba wa Huku mauketulingila matyitukuatesako okukala nehambu iya atuhayeke-ko.