ELONGESO 1

Himbika Nawa

Ovilinga 17:22

ETYI UNA OKULINGA: Tyina uhimbika popia etyi ovanthu mavesuku natyo, noñgonoka etyi mopopi, lekesa omokonda yatyi etyi uli nokupopia tyesukisila.

Ovanthu vesuke netyi molongesa. Linga epulo, popia tyimwe wamona neetyi weiva, upondola opopi otyikwavo ovanthu vesuka natyo.

Tupu, soka ovipuka ovanthu vesuka vali navio, evi vivetokotesa omutwe, ngavio haa upopia.
Noñgonoka etyi mopopi. Onondaka mohimbika nambo mbuyandyulule nawa etyi matyipopiwa, neetyi tyesukisila utyipopie.
Omokonda yatyi tyesukisila. Popia otyipuka matyikwatesako ovanthu nthiki na nthiki. Vena okwiimbuka liwa omutyi etyi uli nokupopia matyivekwatesako.

Tyina ulilongesa etyi mokalongesa, lipula ñgaa: ‘Ovityi vitokotesa ovanthu omutwe?’ Pahe tyina uhimbika, opopi ovipuka ovio vivetokotesa omutwe.