Nga Suse — Enda-nkholo Ouhayo Wotyihola

Ankho ukahi nokuhongiliyua okulinga ouhayo wotyihola, Suse wetuhila ongeleka ongwa. Tembwa Potifale ankho umukuluminya opo valinge otyinepo tyopoula. Mahi Suse ankho ketavela. (Gên. 39:7-10) Ankho ukumbulula okuti: “Oñgeni ndyipondola okulinga otyipuka otyo otyivi unene, nokulinga onkhali ku Huku?” Tyilekesa okuti ankho utyii okuti, otyinepo tyopoula opala ovanthu vokuelinepa. Etyi ovipuka viavilapo, Suse aende nkholo. Mokonda, ine kaile nkholo ñgeno ankho omutima wae upondola okumukengelela alingi onkhali ku Siovaa. — Gên. 39:12; 1 Kol. 6:18.

TALA OVIDIU YATI ENDA-NKHOLO OUHAYO WOTYIHOLA, IYA KONYIMA AMUKUMBULULA OMAPULO AA:

• 

  Otyitateka patyi Jin ankho ena?

• 

  Etyi Mee-Kyong aita opo Jin ekemukuateseko o matematika kondyuo yae, oityi Jin elipula?

• Oñgeni etyi Mee-Kyong aita tyakalesa Jin?

• 

  Oityi Jin alinga opo akuatesueko?

• 

  Oityi Jin alinga opo ende-nkholo ouhayo wotyihola?

• Oityi welilongesila ko vidiu ei?