Okuti Onombangi mba Siovaa Vetavela Okuti Ongeleya Yavo Oyo Vala Oyotyotyili?

Vana vetyii ongeleya oyatyi, vena okutala ine ongeleya vakoya oyo itavelwa na Huku na Sesusi. Ine otyo katyisukisa, opo omokonda yatyi vaila mongeleya?

Sesusi Kilisitu ketavela okuti onongeleya ambuho, nonondyila ambuho mbutwala keyovo. Mahi, ngwe wati: “Ei ombundi yahita, ondyila yahita itwala komwenyo, mahi kavehi veli nokwiivasa.” (Mateusi 7:14) Onombangi mba Siovaa vetavela okuti vavasa ondyila oyo. Ankho kaveivasile, opo ñgeno vaovola ongeleya onkhwavo.