Watchtower OMBIMBILIYOTEKA
Omutala Womulavi
OMBIMBILIYOTEKA ONLNE
Nyaneka
  • OMBIMBILIYA
  • OMIKANDA
  • OMALIONGIYO
  • g19 No. 3 pp. 8-9
  • Omuenyo Mombunga Nomapanga

Naike ovindiu iyeemba ku otyo

Tala mukwe pena etyi tyahaendele movindiu

  • Omuenyo Mombunga Nomapanga
  • Pahukei!—2019
  • Onthele-kati
  • Tyelifwa
  • UHAKALE NELUNGAVI
  • HOLOVONA OMAPANGA NOUNONGO
  • ONONDONGA ONONKHUAVO MBO MBIMBILIYA
  • Kala Nokankhenda
    Omuenyo Wetu Woukristau Novilinga Vietu — Omukanda Wovilinga — 2021
  • Kala Nokankhenda
    Pahukei!—2020
  • Okuti Huku Una Okankhenda?
    Omutala Womulavi Wivisa Ouhamba Wa Jeova (Wounyingi)—2018
  • Koya Omapanga Ena Onondunge
    Kalako Nomwenyo Apeho! — Omukanda Maukukuatesako Okunongonoka Ombimbiliya
Tala vali
Pahukei!—2019
g19 No. 3 pp. 8-9
Ombunga nomapanga vekahi nokulila kumwe tyahambukwa

Omuenyo Mombunga Nomapanga

Kovanthu ovanyingi, okukala nomapanga iya nombunga, katyapepukile. Tala onondonga mbumwe mbo Mbimbiliya mbupondola okukukuatesako okukala noupanga omuwa na vakuenyi.

UHAKALE NELUNGAVI

ONONDONGA MBO MBIMBILIYA: ‘Muhatalei vala komasuka-suka enyi muene, mahi tupu amutale komasuka-suka avakuenyi.’ — Ova Filipu 2:4.

OTYO TYIHANGUNUNA-TYI: Epanga ewa utala vali kuetyi apondola okulingila vakuavo, hakuetyi vala apondola okupewa. Inkha una elungavi, monyono oupanga omuwa una na vakuenyi. Mongeleka, nawike uhanda okukala epanga liomunthu uhanda vala okupopia etyi ena ine etyi ei. Tupu, motyinepo, elungavi lipondola okutuala ovalinepi kokulilavisa. Ngetyi tyapopia omukanda umwe utiwa O Caminho para o Caráter, “ovanthu vokusoka vala kuvo iya avehesuku navakuavo, velinyona ovo muene.”

OITYI OVE UNA OKULINGA:

  • Kuatesako vakuenyi. Omapanga omawa veliyumba onthumbi iya apeho velikuatesako. Omaovololo amwe alekesa okuti okukuatesako vakuetu tyitepulula okukala notyiho iya tyiyawisa kehambu.

  • Kala nokankhenda. Okankhenda kehole okuhangununwa okuti okuiva oluihamo luomunthu omukuavo komutima. Omunthu wokankhenda, mokunyana kapopi onondaka mbuleva vakuavo.

    Tyina ulipaka pomphangu ya vakuenyi, tyipepuka vali okutavela ovipuka vielikalela pokati kenyi. Ngotyo, okankhenda makekukuatesako okufinda okapungulula iya tupu olingi oupanga novanthu vovivala ovikuavo.

  • Tehelela nawa tyina vakuenyi vapopia. Tyina utyilinga, movenoñgonona vali nawa. Opo ukale nepanga liotyotyili, wesukisa okutomphola nae konthele yovipuka esuka navio iya viakolela unene kwe. Ngotyo, tehelela nawa iya olekesa okuti wesuka nae. Omaovololo omape alekesa okuti “omatompho ngoo akalesa nehambu ovanthu.”

HOLOVONA OMAPANGA NOUNONGO

ONDONDONGA MBO MBIMBILIYA: ‘Omapanga omavi asilisa onondunge onongwa.’ — 1 Ova Kolindu 15:33, okatoi.

OTYO TYIHANGUNUNA-TYI: Omapanga ove apondola okukuetela ouwa ine okukuetela ovitateka. Ovanongo vouye vapopia okuti otyo tyitavela. Mongeleka, vapopia okuti okukala novanthu vasipa ine velihenga, noove upondola okusipa ine okulihenga nou welinepa nae.

OITYI OVE UPONDOLA OKULINGA: Kala epanga liovanthu vena ovituwa ove uhole ine uhanda okukala navio. Mongeleka, kala epanga liomunthu usuka na vakuavo, una onthilo, una otyali iya tupu utambula nawa ovaenda.

ONONDONGA ONONKHUAVO MBO MBIMBILIYA

Omukai ukahi nokulekesa omona wae omukainthu ovidiu

Tala onovidiu mbapolwa mo Mbimbiliya mbalingilwa ovalinepi, novakuendye, novana okukala nehambu mombunga

LITYILIKA OKUPOPIA ONONDAKA MBUIHAMA KOMUTIMA.

“Onondaka mba una upopia tyihasoko mbutoma ngo mutunga.”— PROVÉRBIOS 12:18.

KALA OMUNTHU WOTYALI.

“Omunthu wotyali makala novipuka ovinyingi.”— PROVÉRBIOS 11:25.

LINGA VAKUENYI NGETYI UHANDA VEKULINGE.

“Ovipuka aviho muhanda ovanthu vemulinge, tupu no onwe ovio muna okuvelinga.”— MATEUSI 7:12.

    Nyaneka Publications (1998-2026)
    Lupukamo
    Nyingila
    • Nyaneka
    • Tuma
    • Likoyela
    • Copyright © 2025 Watch Tower Bible and Tract Society of Pennsylvania
    • Etyi Tyilingwa Pokunyingilamo
    • Etyi Munyingilwa
    • Etyi Tyilingwa Pokunyingilamo
    • JW.ORG
    • Nyingila
    Okutuma