Onthilo Meumbo Yaya Napi?

OITYI TWESUKISILA OKULILINGA ONTHILO MEUMBO

• Omukanda umwe utiwa Sete Princípios Para o Casamento Funcionar, wati tyina vomeumbo velilinga onthilo velikwata-po, “ha movipuka ovinene vala, mahi no movitutu umwe valinga nthiki na nthiki.”

• Vamwe vapulwa-pulwa vapopia okuti, tyina ovana velilonga okukala nonthilo na vakwavo, vakala umwe nawa kavelitombo, vakala nehambu, noupanga omuwa novohe, ya kavakala nomauvela atuka kokulinyengwa.

OITYI UPONDOLA OKULINGA

Amuho meumbo lipakelei-mo etyi mamulingi. Tete, tala ine aveho vetyinoñgonoka umwe nawa otyityi tyitiwa “okulilinga onthilo.” Vali, honeka ovipuka aveho meumbo vapondola okulinga, neevi vahapondola okulinga. Tatu, pahe tompholei etyi mwapanga, tyitie noove novana vove mupolele peke.

Vakwenyi vatalele kwoove. Okuti upopia omapita vakwenyi meumbo mokonda yeevi valinga viahaviukile? Tyina vapopia etyi vasoka uveyola, kusuku natyo, na tyina mutomphola uveteta vala ondaka?

Hetekela okulinga ñgaa: Tyokulinga onthilo ou mwelinepa nae novana vove, tyilingila tyokuti otyipuka ove una okulinga, wahatie ngwe vena etyi vesukisa okulinga, opo uvelinge onthilo.

Linga onthilo vakwenyi na tyina umwe etyi wasoka tyelikalela neetyi ngwe vasoka. Tyina upopia etyi ove wasoka, liyunga konondaka mbokuti “onwe apeho vala . . . ” “onwe nii vala. . . ” Okupopia ngootyo tyiti umwe otyo tyileva vakwenyi meumbo, otyo tyivilisa-po ovipuka.

OITYI ONTHWE ONOMBANGI MBA SIOVAA TULI NOKULINGA

Onombangi mba Siovaa vapa ondundo aveho meumbo velilinge onthilo. Valinga omikanda vityipopia umwe nawa, nonovindiu. Aviho ovio vevipa vala ovanthu otyali, neevi vili mo site vipolwa-mo vala otyali.

VOKWELINEPA: Ononthele mbuli apa pokwati Ajuda para a Família mbupondola okukwatesako vokwanepa no vokwanepwa . . .

• okulilonga okutehelela nawa

• nokweheliniange

• nokwoondweya onondyaya.

(Enda mo jw.org oovola apa pokwati “Ajuda para a Família.”)

VOKUNA OVANA: Ononthele mbuli apa pokwati Ajuda para a Família, mbupondola okukwatesako vokuna ovana opo vevelongese . . .

• okulinga ovanthu vokutavela

• okulinga ovilinga meumbo

• nokulilonga okupopia okuti “mbambavo” nokuti “napandula.”

(Enda mo jw.org oovola apa pokwati: “Criar Filhos” no pokwati: “Criar Adolecentes.”)

Enda momukanda Os Jovens Perguntam — Respostas Práticas Volume 1, otale apa pokwati: “Os Pais Perguntam.” (Enda mo jw.org apa pokwati: “Os Pais Perguntam.”)

OVANA: Mo jw.org enda pana pokwati Os Jovens pena ononthele nonovindiu mbukwatesako unene ovana . . .

• okulivila novohe, naava velikwai navo

• nokutomphola novohe ovitumino viomeumbo, mahi avatomphola nonthilo

• nokulinga evi viveyumbisa onthumbi.

(Nyingila mo jw.org oende apa pokwati: “Jovens.”)

Nyingila mo jw.org, otyali vala. Kamufetelwa, nii kusukisa okulihonekesa-mo.